影片
更多
2021-10-02
51 瀏覽
足球迷一定要去呢間足球主題嘅餐廳，嘢食都比想像中高質素！餐廳位於旺角朗晴坊，就係朗豪坊隔離。餐牌方面原來都有好多套餐可以揀，有飯有份，有好多唔同類型嘅肉，比較豐富。我哋就揀咗一款係三文魚，另外一款就係吉列嘅豬柳。兩樣都各有特色，值得推介！未食之前，佢會上咗啲湯品，沙律同埋麵包，湯品方面係紅菜頭湯，估唔到個味道竟然辣辣地，有啲鹹香，幾特別。沙律方面就比較清新，可以自行加上黑醋醬。麵包方面我好鍾意食，因為牛油味真係好香，而且熱辣辣得來比較鬆軟，係最好嘅質感。I 低溫煎焗挪威三文魚柳蘑菇香檳汁 $188本身其實都唔算太大期望，因為之前去過有啲西餐廳講緊個三文魚其實都係乾爭爭硬梆梆比較薄，但係呢間除咗厚身之外，裏面呢保持水份，好軟嫩。真心好食！加上嗰個蘑菇忌廉汁，好Match得來唔會油膩N 脆炸流心低卡芝士吉列西班牙橡樹果黑毛豬柳 $198 平時喺快餐店食吉列豬扒就多，食吉列黑毛豬柳咁高級就真係未試過，個肉質真係特別唔同，特別好食，而且裏面都有流心芝士，相當邪惡。不過注意返因為成個黑毛豬都係吉列嘅，所以會比較熱氣（？） 如果平時好容易生飛滋嗰啲就要諗一諗兩款主菜都有羽衣甘藍，甘筍蓉，非常健康呢
足球迷一定要去呢間足球主題嘅餐廳，嘢食都比想像中高質素！餐廳位於旺角朗晴坊，就係朗豪坊隔離。
餐牌方面原來都有好多套餐可以揀，有飯有份，有好多唔同類型嘅肉，比較豐富。
我哋就揀咗一款係三文魚，另外一款就係吉列嘅豬柳。兩樣都各有特色，值得推介！
未食之前，佢會上咗啲湯品，沙律同埋麵包，湯品方面係紅菜頭湯，估唔到個味道竟然辣辣地，有啲鹹香，幾特別。
沙律方面就比較清新，可以自行加上黑醋醬。麵包方面我好鍾意食，因為牛油味真係好香，而且熱辣辣得來比較鬆軟，係最好嘅質感。
I 低溫煎焗挪威三文魚柳蘑菇香檳汁 $188
本身其實都唔算太大期望，因為之前去過有啲西餐廳講緊個三文魚其實都係乾爭爭硬梆梆比較薄，但係呢間除咗厚身之外，裏面呢保持水份，好軟嫩。真心好食！加上嗰個蘑菇忌廉汁，好Match得來唔會油膩
N 脆炸流心低卡芝士吉列西班牙橡樹果黑毛豬柳 $198
平時喺快餐店食吉列豬扒就多，食吉列黑毛豬柳咁高級就真係未試過，個肉質真係特別唔同，特別好食，而且裏面都有流心芝士，相當邪惡。不過注意返因為成個黑毛豬都係吉列嘅，所以會比較熱氣（？） 如果平時好容易生飛滋嗰啲就要諗一諗
兩款主菜都有羽衣甘藍，甘筍蓉，非常健康呢！
雜果賓治加$10
柚子薄荷梳打+$13
D飲品要升級嘅價錢唔貴，因為近排熱辣辣好早已經order咗，甜甜地，少少清新，都值得升級，賣相唔錯。
Menu+環境
張貼
