14
0
0
港鐵旺角站 C3 出口, 港鐵旺角站 E1 出口, 港鐵旺角東站 B 出口 繼續閱讀
電話號碼
52700008
開飯介紹
Lockeroom Dining 提供多種西餐菜式,包括肉類、海鮮、自家製意大利麵、沙律、甜品等,包羅萬有。即焗蒜蓉包及脆燒原隻德國鹹豬手頗受歡迎。 繼續閱讀
營業時間
今日營業
12:00 - 22:30
星期一至日
12:00 - 22:30
付款方式
現金
其他資料
網上訂座
Wi-Fi
電話訂座
賞訂座積分
加一服務費
有關獎賞計劃
招牌菜
西班牙橡樹果黑毛豬、1855美國牛肉眼、鹹蛋黃菜式、自家製甜品
食評 (15)
等級4 2019-02-28
1772 瀏覽
今日第一次黎到E 座大廈搵野食  打開電梯 放眼望入去比佢個場吸引左  好似整到個D 婚禮場地錦 有草地同高級餐桌可能7:00 味係好多人 餐廳就安排左 公主王子座比我同男朋友真係心心眼呀細緻到連張桌都有皇冠型既LED LIGHT好浪漫呀我地叫左兩個DINNER SET 因為見到餐牌寫叫一個SET 甜品就會有半價 好抵呀~先講講 基本既餐湯: 是日餐湯係黑毛豬薯溶忌廉湯佢既味道就好似 好耐之前個隻歐X滋味杯好懷念呀同埋熱辣辣錦上 忌廉好香入面仲要真係有豬肉食 食左一粒覺得豬肉味唔會比薯溶忌廉搶走真係食豬有豬味!幾樣野加埋味道好夾之後到個沙律用樽裝住真係幾得意沙律菜好新鮮 入面仲有蕃茄仔 隨沙律仲配上黑醋比你但最特別係入面有爆珠估唔到一個普通既沙律加左爆珠令成件事 酸酸甜甜 真係開胃唔好睇小E 個蒜香牛油法包每一個地方都滲入左蒜香牛油而焗得超級脆那怕我地 起碼3MIN 之後先食佢值得一叫!我既主菜黎啦!係香草燒法國原隻春雞($128)真係好大隻我張佢CUT 開一半 D肉汁出曬黎D 骨好軟 所以都容易 CUT 開佢既味道剛剛好 唔會OVERCOOK 一D '鞋'口既感覺都無肉質好滑!佢既旁邊仲有一D 配菜竟然係羽衣甘藍 好新鮮 睇色水都知另外仲有焗蕃茄配蕃薯薯仔粒忌廉溶 蕃薯忌廉都好甜 仲食到薯仔粒粒 幾特別我男朋友就叫左牛肉眼排拼法國鹅肝($188)塊排有男人手掌錦大 叫左7成入面仲保留住肉汁 唔會太UN 牛味好出值得一提既仲有鹅肝真係 外脆內軟 入口即溶  仲要厚身 正!我地仲叫左兩個小食炸魚薯條($65)薯角真係好脆 新鮮炸配上自家製既蜜糖芥末醬 好食過m記個隻好多 同埋更顯誠意佢地唔係用出面個隻雪魚柳 係用真魚塊粉既厚度適中仲有一碟叫做白松露忌廉炒野菌($35)無諗過35蚊可以錦大碟 入面有 秀珍菇 雞比菇 同埋冬菇玩上白松露炒每一粒都沾上白松露 真係無懈可擊!到甜品時間啦有熱香甜鬆餅(原價$55/跟餐$27.5)佢地好好 知上甜品既時候就轉碟同番場貼心地放左幾種醬 比我地簡自家製既雪糕球 士多啤梨味 同埋 香草味配上orel 既餅碎好清新呀鬆餅好厚 好香蛋味 同埋好實在呀 跟餐$27.5 真係抵到痴線!最後一樣甜品: 法式焦糖燉蛋(原價$45/跟餐$22.5)燉蛋好滑 拿破崙餅好脆口 加上士多啤梨既酸甜 成件事好夾總結:今餐係我覺得所有食物 環境 服務 抵食 既之最員工做野好快手 細心留意客人既需要 例如無水就立即加上甜品就番一番場 值得一讚!同埋價錢真係好抵 跟餐既甜品仲要半價 真係唔知點回本整體用餐愉快 回頭率極高 ! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-11
154 瀏覽
同朋友行行下旺角,就黎到呢間係朗豪坊隔離既朗晴坊搵食!一入到去,個場佈置到好似酒店西餐廳咁!感覺好fancy!周圍仲有好多關於足球既佈置!氣氛超級好,播住啲好令人舒服既音樂,非常之chill!好適合兩個人黎撐枱腳。鹹蛋黃香脆薯角$35熱辣辣! 薯角炸到好香,但唔會太硬身,入面唔係空既。同埋真係會食到鹹蛋黃嫁!卡邦尼意大利扁麵配溫泉蛋$85份量麵幾多,夠兩個人share!佢既汁比較稀,味道正正常常,無乜特別。香烤美國1855頂級牛肉眼扒$185勁勁勁大塊!差唔多有三隻手掌咁大!嗌左5成熟,佢係比較薄身,肉汁唔多,牛味唔算重,不過呢個價錢食到咁大塊牛扒都算唔錯!配紫蕃薯溶好特別!英式炸魚薯條$65正!炸魚炸到好香脆,配個青芥末醬,吱少少檸檬汁落去,成件事好fresh!不過佢比較易散,切果陣要小心。 佢既配菜都好好味,唔係得個樣!竟然仲有爆珠!草莓梳打$39佢唔會好甜,完全無藥水味,陣味似士多啤梨糖既味,我幾中意!雜果賓治$39好清新,佢又唔會酸,幾開胃,可以一試 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-10
299 瀏覽
餐廳門口有關足球嘅擺設,入面又有波衫同球星的相原來餐廳係以足球做主題,但一間以足球為主題的餐廳黎講,都唔算話超多足球的裝修~環境就幾寬敞,唔算好嘈。今次因為二人都比較飽,淨係叫左兩個主菜,連飲品都無叫。我見隔離就有叫dinner set,仲話跟餐果個忌廉湯幾香幾好飲😌卡邦尼意大利扁麵配溫泉蛋 - $85食物份量普通,一般cafe都唔會話好大碟,呢度份量就還可以啦!煮得好香同creamy,煙肉帶少少咸香味,忌廉十分奶滑!個扁意粉唔會好硬但有口感~原本見呢間餐廳無咩名氣,價錢又唔高,都無咩期望,點知質素都幾驚喜!法國鴨肝牛肝菌意大利燴飯 - $95因為用左黑松露醬,一聞已經好香~鴨肝好入味呀好食!牛肝菌配合忌廉醬汁所以都幾香滑,整體滿意!我地二人食飽坐左陣,見附近幾檯的食客都坐左好耐,都無話會趕人走,什至不停幫我地加水,服務好好!同朋友Gathering會係個唔錯嘅選擇,食物味道出乎意料之外,性價比合格! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-10
94 瀏覽
如果男朋友鐘意阿仙奴既話 不妨好似我咁訂定Lockeroom俾個驚喜佢⚽️❣️Lockeroom位於朗豪坊地下戲院售票處既對面 旺角地鐵站一出兩分鐘內就到 十分方便😂 上到去你就見到唔同既簽名波衫😍 我就唔係好認到係邊隊 但我男朋友一見到雙眼就開始發光😂🤭入到去當然仲有更多既簽名球衣 裝潢都十分特別 地下鋪左人造草皮 亦有一塊滿滿都係球星小卡既牆😳連manu都十分有心機 background係足球場😳我地叫左兩個Set Dinner 分別係西班牙黑毛豬拼元貝同肉眼扒配鵝肝🤤 有齊沙律湯脆卜卜麵包主菜同野飲都只係HKD168同HKD188😈 如果想加甜品仲可以半價 以慶祝紀念日泥講又真係幾抵食😛餐湯係蔬菜湯 有好多一顆顆蔬菜粒粒 完全感受真材實料 又好好飲😚至於主菜黑毛豬方面 因為我最驚啲煎到好硬既豬食落去會好乾 所以呢塊稔稔地易切對我泥講就岩岩好 配上BBQ醬好鬼正❣️肉眼扒我地叫左五成熟又係perfect池 啖啖肉又有肉汁 可以一戰😈 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-08
338 瀏覽
平時去開朗豪坊shopping 都只會係返朗豪坊入邊搵食,但其實戲院旁邊有一棟美食大樓,上上下下都有唔少精彩小店,今日老公帶我去咗 Lockeroom ,裏面人頭湧湧!原來大家都係足球衣嘅愛好者,都可以話係男人嘅一個聚腳點。估唔到裏面嘅裝修都幾別緻,我哋兩個坐係一個好似鳥籠嘅卡位,仲有珍寶size嘅球衣,識佢方面都幾精美價錢又唔貴。Dinner Set 啱我哋口味,落好order好快有得食。精選沙律估唔到沙律賣相咁靚,連襯托嘅碟都特別漂亮,三文魚魚子配新鮮嘅沙律菜,用櫻花碟奉上黑醋汁,咁你就睇到心思所在啦!湯 & 蒜香牛油法包蒜香牛油法包新鮮熱辣又惹味。南瓜湯入口好 creamy,用上雲石 pattern 嘅英式茶杯,我其實覺得自己係高貴 high tea 緊。燒烤醬西班牙黑毛豬梅肉併北海道元貝 $168BBQ燒烤醬十分惹味,西班牙黑毛豬梅肉肉質特別軟滑,入口肉味濃郁。併北海道元貝爽滑彈牙,質素挺好的!香烤美國 1855 牛肉眼扒併法國鵝肝 $188香烤美國 1855 牛肉眼扒生熟度剛剛好,油脂分布平均,牛肉味香濃,食到回味再回味。併法國鵝肝更加係錦上添花,我講入口肥美,油脂甘香美味。仲配埋餐飲兩杯都唔錯。而且食套餐仲有其他優惠,就係可以半價享用叫一個自家製甜品啦!芒果疏乎里配青檸檬雪葩 & 心太軟配香草雪糕,兩個甜品都做得非常出色!加埋都只不過係$65,真真正正是今晚的完美句號。 繼續閱讀
(以上食評乃用戶個人意見 , 並不代表OpenRice之觀點。)