牛大人台灣火鍋吃到飽 (荷李活商業中心)

營業中

休息中

最近Book左去牛大人食lunch，係旺角荷李活中心比較新嗰間，都好多人訂位，估唔到咁多分店仲係咁多人！首先我哋就選擇咗最貴嗰個餐，可以任食和牛，但係加一其實之後都係$200鬆啲，都係抵食。最近食咗好多特色湯底，今次朋友就想試吓最基本嘅蕃茄湯，不過其實好多人都唔會揀㗎！蕃茄湯味道香濃，都唔錯，不過呢間餐廳都係養生嗰啲湯底或者牛骨湯底會比較出色，建議都係揀返signature！讚好社交平台送黑糖珍珠奶茶，非常抵飲，平時出去飲都要成$30一杯。而且出面仲有好多自家製嘅冷泡茶包括白桃烏龍，桂花烏龍，洛神花等等，無糖茶味道小清新。出面仲有好多特別嘅調味料，各式各樣嘅配菜等等可以自取。最重要當然係用手機落單嘅食物，高質素牛真心唔錯，值得花多幾十蚊去食，質感係特別嫩。仲有其他例如醉雞，鴨血等等呢啲最推介，因為佢個鴨血真係好有台灣風味，同平時出面食嘅唔同。仲有一些自家製口味的餃子很有特色，特別係一啲手打滑或例如牛肉滑，味道比較特別。都好值得試一試！食飽之後出面更有牛大人推出的玄米茶雪糕，令人非常期待！味道尚可，喜歡玄米茶不妨一試。