焱丸水產

營業中

休息中

朋友同我都好鍾意食日本嘢，對質素亦都好有要求，今次就揀咗一間評分好高嘅日本餐廳，的確冇令人失望！麻醬蕃茄豆腐沙律首先食來清新一下，沙律菜配搭薄切蕃茄、嫩滑豆腐，加埋胡麻醬嘅配搭，清新之餘亦都好香。漁師2人前盛就有幾款鮮味刺身焱丸號壽司唔同嘅刺身組合，款款都勁鮮味，又有蟹肉，拖羅，海膽，超彈牙嘅魚，入面仲有飯卷有紫菜包住，大豐富。溫泉蛋天婦羅呢款真係有兩粒溫泉蛋，真係想叫佢做炸彈🤣裏面仲要係半熟狀態，好清新，旁邊就有青椒同埋冬菇等等，擺盤賣相一流。芝士蟹肉甲羅燒&蟹味噌甲羅燒當然係重頭戲，本身已經好香，鹹香滿滿，估唔到再加埋芝士係都好特別，個味道更加濃郁。多多材料，混疊一齊食有口感有味道。香蔥和牛炒飯除咗粒粒均勻之外，最重點係主角和牛有好充足嘅脂肪，差唔多入口即溶，口感同油香都一流。青蘋果颱風乳酸+冰菠蘿梳打都係黑板上嘅特飲，兩款都好清新，充滿青蘋果同大大件菠蘿盡現眼前，打卡又好，飲都好，都好滿足好清新。