和牛蕃 (已結業)

今日晚上約舊同學聚會，我哋特別揀選咗呢一間非常有質素嘅餐廳，我哋都係牛魔王一族，呢一間就啱曬我哋。佢主打係食和牛， 連沙律都配有鹽清牛小排，仲有新鮮蕃茄配黑椒醬油，果真不吝嗇。還有A5和牛多士配搭自家製蛋黃醬拌魚子醬，入口即化，認真誇啦啦。另外和牛海膽壽司，牛舌伴青蔥醬油，都同樣出色，牛舌柔軟味濃馥郁， 佢嘅青蔥醬油都好有特色。餐廳每日都有特選和牛提供，天天新款，質素一樣係咁高。另外一款和牛西冷都好高質素，比較厚身而且肉質軟綿綿，汁液豐盛。還有一款和牛配黑松露， 更有風味，松露片味道香噴噴加上和牛濃郁肉質，錦上添花。佢嘅和牛肉醬闊條麵，醬汁好滋味，麵條煙煙靭靭，雖然飽飽，但都會食不停口。最後嘆返一杯自家製柚子雪葩甜品，餐廳食物質素會令客人日後都會再嚟幫襯。