影片
更多
2009-07-16
8 瀏覽
主打: 長腳蟹, 煎鵝肝, "哈緊大"雪糕, 全場任食環境秩序: 差差差!!!全場其實好多人, 食物擺放區只有大約九分之一, 種類真係好少。甜品區另設在入口位置, 主菜區較入。侍應人數唔夠, 餐具擺放好亂, 食物區d野食跌晒出黎。但最最最差o既安排亦係擺放。1) 你要取熱食時, 就要穿過人龍, 不但唔方便, 仲要享受排緊隊d人o既眼光, 個個驚死你打尖!!2) 羊脾肉張枱唔知點解要咁入, 迫到入去之後仲要伸長隻手, 遞隻碟埋去, 同一時間就企左o係兩盤熱食之前霸佔左個位, 人地要等你取完羊脾肉, 加埋汁, 番出黎之後先入到去3) 你唔可以取完一樣行過隔離取另一樣, 因為有人排緊隊, 你一入去, 已經算打緊尖!! 所以你要先番出去, 伸長條頸睇左有乜野先, 然後再"插隊"入去。4) 條龍由始至終真係未散過, 無論排隊同'尖隊'取熱食, 都真係好辛苦!5) 正一盤大食物少, 可能佢諗住添食物會密d掛, 所以d食物都只係好少好少, 薄薄咁放o係隻碟上面, 客人睇到就好似成日唔夠野食咁! 而事實上, 好多種類都係售完即無!食物讚)長腳蟹: 味道都係咁啦, 不過要搶煎鵝肝: 好香, 好食, 無限
長腳蟹, 煎鵝肝, "哈緊大"雪糕, 全場任食
環境秩序: 差差差!!!
全場其實好多人, 食物擺放區只有大約九分之一, 種類真係好少。甜品區另設在入口位置, 主菜區較入。
侍應人數唔夠, 餐具擺放好亂, 食物區d野食跌晒出黎。
但最最最差o既安排亦係擺放。
1) 你要取熱食時, 就要穿過人龍, 不但唔方便, 仲要享受排緊隊d人o既眼光, 個個驚死你打尖!!
2) 羊脾肉張枱唔知點解要咁入, 迫到入去之後仲要伸長隻手, 遞隻碟埋去, 同一時間就企左o係兩盤熱食之前霸佔左個位, 人地要等你取完羊脾肉, 加埋汁, 番出黎之後先入到去
3) 你唔可以取完一樣行過隔離取另一樣, 因為有人排緊隊, 你一入去, 已經算打緊尖!! 所以你要先番出去, 伸長條頸睇左有乜野先, 然後再"插隊"入去。
4) 條龍由始至終真係未散過, 無論排隊同'尖隊'取熱食, 都真係好辛苦!
5) 正一盤大食物少, 可能佢諗住添食物會密d掛, 所以d食物都只係好少好少, 薄薄咁放o係隻碟上面, 客人睇到就好似成日唔夠野食咁! 而事實上, 好多種類都係售完即無!
食物:
(讚)
長腳蟹: 味道都係咁啦, 不過要搶
煎鵝肝: 好香, 好食, 無限量供應, 唔錯, 要排隊
自助沙律類入面ge 花生(唉!)
甜品類o既椰絲啫喱糖真係全晚最好食o既甜品.../. .\(悲!)
面包: 可能好味掛, 少少一盤仔俾人搶到無晒...
(一般)
兩款架喱+薄餅, 羊脾肉(味道可以啦, 但佢只係切左手指公咁大o舊o既俾我, 轉頭番去已經熄左燈), 沙律, 煙三文魚
(彈)
基本上除以上之外, 所有食物都真係差... 唯表表者則有:
--田螺, 青口: 唔係咁新鮮(雪藏野都唔新鮮, 真係無野講)
--薑汁撞奶: 入口俾薑味辣左一辣, 然後一陣苦, 一陣澀, 全無奶味, 無甜味, 超難頂
--蟹柳,壽司,盬漬青魚: 切到好細'粒', d顏色又乾又瘀, 睇個樣都知唔新鮮, 無人掂過...
--沙律菜: 菜類只有生菜同火箭菜, 用小兜裝住, 好矜貴
--最差係甜品: 唔係一兩樣, 而係全部十幾樣, 包括雪糕!!!! 芝士蛋糕無芝士味, 唔甜; 芒果乜乜物物全無芒果味, 唔話你知係椰子味糕點, 食完你都唔會知食左d乜。全部甜品好似晌應健康美食咁: 盡量少糖--係無甜味!!! 連雪糕d味都好怪, cream-cookies我可以食左兩啖就停手!(唔通我味覺有問題?)
--蔬菜類只有兩款, 只見過人地食類似白菜仔咁o既野, 同埋四季豆炒豬頸肉, 豆較生, 肉無味!
比較搞笑o既就係生果類, 見個侍應竟然捧左一兜原個青蘋果出黎, 無錯! 係原個青蘋果!! 到底佢想客人點食?!
未見過傳說中o既煮蜆, 由頭至尾都只見到個盤同幾粒縠o係度
有幾個位一直都係"吉"o既, 我肯定有野o既, 但從未見過有食物放o係度!
去啦! 試過之後, 你會知道屋企d飯菜真係好好味!
張貼