來多碗車仔麵 (民裕街)

營業中

休息中

來多碗車仔麵紅磡同黄埔不嬲多野食，前兩日去紅磡揾朋友順便覓食😄又比我發現間又平又好味既車仔麵喎😋😋一入到去環境乾淨企理，光線充足，好舒適👍🏻我叫左4餸麵，都只係$38咋😳😳😳食肉獸梗係叫曬肉🤤分別係馳名辣魷魚、秘製牛腩、爽口金錢肚同惹味豬腸，魷魚好新鮮爽口！牛腩同豬腸肥瘦剛好，好入味，金錢肚都好彈牙，菠菜麵係我最愛，車仔麵有菠菜麵揀真係好特別👍🏻👍🏻朋友叫左菜心、魚皮餃、包心丸、牛筋丸同章魚燒，再叫多碟生菜蘿蔔同牛柏葉，d菜好新鮮👍🏻蘿蔔清甜冇渣🤣包心丸好特別，會爆汁勁好味👍🏻章魚燒其實係章魚丸咁，但真係好好味好有咬口🤤PS 佢個秘製辣醬一定一定一定要試!!!!! 好惹味！