71
8
4
港鐵黃埔站 A 出口, 步行約7分鐘 繼續閱讀
所有分店 (6)
電話號碼
67075828
營業時間
今日營業
10:00 - 20:00
星期一至日
10:00 - 20:00
付款方式
AlipayHK 支付寶 現金
其他資料
酒精飲品
自帶酒水
加一服務費
當面支付
食評 (96)
等級4 2020-12-26
203 瀏覽
再多一間車仔麵,真係咁好做?短短條路仔 3 間車仔麵,每 10 秒路程有一間。內籠行光猛乾淨企理路線,食材都比一般高質、高價、特別、創意!民康車仔麵湯底太清太淡,發記車仔麵湯底極濃豉油重味帶混濁。整碗車仔麵色香味都處理不錯,價錢比附近兩間老店貴少少,一間係側街、一間係後巷,來多碗位置對正大碼路,而且內籠環境舒服。台灣麻辣韮菜鴨紅,非常入味外脆內軟一咬爆汁,濃濃味道泛著輕麻輕辣,必食之選!如果有麻辣湯麵就真係幸福到笑喇。辣水魷滷水雞中翼幼麵,水魷入味爽脆滑嘟嘟震騰騰,雞中翼香甜醃味得宜皮彈肉滑不霉。高質幼麵一食便知,幼嫩爽彈掛湯散蛋麵粉及蛋香。豉油湯底清爽濃郁甜美可口,撈埋自家秘製辣椒醬,微辣帶甜自家秘製辣椒醬,使得我幾乎全部湯清掉,香辣醒腦停不下來!蘿蔔牛腩滷水蛋鴛鴦,隔住塊玻璃問食咩麵?您肯定聽得清楚?還是識讀脣語呀?我已講 3 次鴛鴦幼麵加河粉,唔係加底呀!我已講 3 次溏心蛋,唔係滷味蛋呀!最憎食全熟蛋,加底要格硬食晒去好飽呢!見員工們一個烚麵一個夾餸一個收銀一個傳菜,但感覺好混亂毫無默契。粒粒牛腩高檔次不是下欄頭頭尾尾邊皮腩碎,竟是爽彈無渣,牛味香甜帶肉汁非常滿意!極腍蘿蔔我的最愛,爆汁泛著天然蘿蔔甜,滷水完全滲透呈明亮淺啡色,慘在去皮不足,有皮渣刮嘴。滷水蛋滷味濃厚,韌皮滷蛋不喜歡,我要彈滑的。夠香夠辣食得過,有質素香辣強烈。河粉散碎不高興,跟麵用羹連辣椒油湯一齊食。溏心蛋金錢肚咖哩魚蛋出前一丁,幾個星期無見出前一丁突然好想您啊!出前一丁魔呪,授唔住誘惑,罪過罪過,今晚唯有加操懲罰下自己。很濃滷水味的溏心蛋,蛋黃天然甘香甜味跟滷水味共融,最後不敵滷水,咸味較甜味強得多,我較愛清爽的味道,幸好蛋白彈滑,蛋黃黏綿還算可口。沖水放涼的出前一丁再烚,麵味幾乎全部流失,微粉黏口不爽彈滑,不是生煮一食便知道,給我出前一丁湯底必定更好味。淋上的咖哩汁不過只是水汪汪的咖哩水,有微弱咖哩香但無辣味,幫助不大。加上自家秘製勁辣辣椒醬,刺激惹味更好食!靚魚蛋有魚味有咸香而結實,清淡咖哩味過得去。金錢肚勁彈勁爽,滷水味突出餘韻長久。豬紅五花腩螺頭粗麵,我要求多辣,嬸嬸非常寬卓成羮隊落碗,多謝多謝。五花腩十分結實有咬口,感覺未炆好一樣,厚厚豬皮爽爽脆脆,沒有膠黏嫩滑感,幸好味道蠻不錯。豬紅貌似微暖,但一咬爆汁滾熱辣,燙到我嘴仔甩皮了!汁液甜美可口,外脆內嫩好食好食。螺頭真的嚇死朕呀﹗乾鞋質地,起渣柴皮再加上霸道雪藏味道,非常驚嚇﹗粗麵粉口不彈不滑,平價貨條條一樣不捲曲,幸好有大量辣椒醬連濃濃湯汁。依碗已經兩個粗麵底?啜兩啖已無影無蹤,高價 $32 蚊三餸食陣風無飽肚感,早知幫襯茶記太陽蛋沙嗲牛肉出前一丁更開心,色香味俱全仲送埋凍飲添呀!金錢肚豬腸豬皮河粉,突然好想食辣,大大羹辣椒油隊落湯,辣到滿頭大汗爽死!超爽豬腸肥美有絨毛,脂肪甘甜不是腍劈劈,咸香清新。金錢肚彈彈,豬皮太大塊油益味爽而略硬。河粉一入口散發陣陣怪味,膠袋味?膠籃味?唯一可取完整結實不散碎。鱆魚燒豬紅辣牛柏葉米線,鱆魚燒爽爽,趙落有點空盪不夠實淨彈牙,清淡鱆魚味道。豬紅彈滑醃味濃而可口,辣牛柏葉切得太幼絲一樣真係幾辣夠爽,米線上半腍劈劈下半夠嚥韌。豬腸蘿蔔炸麵筋莜麵,炸麵筋炸完再烚依然香口嚥韌,莜麵實淨有咬口,大注大注滑滑的啜入口暢快無比。莜麵份量比起河粉幼麵多成倍幾,莜麵特別平嗎?好飽喎。魚蛋冬菇鳳爪新鮮烏冬,試試原味什麼辣都不落,魚蛋辣味不弱好有感覺,咸香魚味,質地假得不過份,合格。冬菇厚厚滑滑彈彈噴汁,菇汁香甜滲出蠔油香。巢皮鳳爪瘦猛猛,食其爽皮,啜其汁液,沒什麼肉落肚。朝早食完毛巾白麵包,依家到麻繩烏冬,硬過油渣麵!烚煮時間短促,不滑溜不嚥韌,幸好都夠熟。豉油滷水湯夠濃,搭上硬實烏冬唔難食。金錢肚蟹柳蘿蔔河粉,最討厭的兼價大陸蟹柳,賣相可怕!暗啞的顏色膠感十足,鞋口假甜味極濃。滿分蘿蔔超高質,無渣無皮,先脆後腍爆汁水潤,湯汁滲透其中天然甜味非凡。新嘗試撈辣椒醬,跟兒時阿媽煮河粉的味道一模一樣,咸咸辣辣的。首次河粉烹調得宜出眾,完整滑溜長長,可以用筷子夾起大啖啜,舒服暢快。豬手牛丸辣魚蛋菠菜麵,真係豬手嗎?明顯皮包骨無肉食的豬腳來的。入口嚇死朕,兩舊同樣腳毛無剃乾淨,吉到我條脷,刮到我嬌嫩嘴仔喇﹗半點肉也沒有,只有脆硬的筋,韌韌豬皮就夠晒大塊,吐掉放棄﹗牛丸味濃有點點微羶餘韻,滑彈多汁有質素,辣魚蛋不是平價貨可以一試。不食麵餅最抵食,莜麵、河粉、米線份量重手足秤,連菠菜麵都一樣,飽飽好滿足!菠菜麵味道質感都似足莜麵,甘香彈滑帶少少嚥韌,沒有一絲菠菜味,曲曲的掛著濃湯,好食好食。金錢肚墨魚丸豆卜幼麵,金錢肚爽爽不腍劈劈,浸得入味蠻不錯。墨魚丸比預期中美味,白雪雪圓碌碌呎碼亦不細,要我原粒啪入口都有點難度,真材實料結實不粉,分兩啖剛剛好消滅,咸鮮有墨味有肉粒添呢!大大舊綿綿豆卜吸盡濃湯,飽肚香口多汁。檯面的辣椒油跟出貨區的一樣,香辣並重不失甜味,醒神刺激。牛腩貢丸枝竹粗麵,貢丸有料到,肉甜味強勁又彈滑使人興奮跳脫,只是嚐不出任何香菇味道。牛腩碎肥鞋有渣,算了罷!枝竹滑滑豆香濃厚,掛上熱湯也不錯。腩汁散發霸道八角味道,我不喜歡的。點解係都要剪到粗麵幼麵又短又散?細路仔唔識自己咬斷咩!食到疾住疾住幾條幾條啜,吸到成肚氣,最後碎到要用羹掃入口,可惡!我喜歡一氣呵成快靚正,依家斷斷續續好那火!唔好再剪我既長壽麵!粗麵恰似濕水白紙條一樣,無味無蛋味無香味,不彈不滑不嚥韌,依家仲要散筲筲,極度討厭。依碗麵 3 餸索價 $32 蚊,何解不能提供高質一點的粗麵像普通潮州粉麵舖一樣彈滑嚥韌有蛋香呢?鳳爪豬腸蘿蔔幼麵,鳳爪雪藏味濃烈頂硬上,皮爽咸濁。豬腸超彈有嚼勁,滷水味突出好味道。蘿蔔似湯蘿蔔味,半爽半腍爆汁無渣清甜滿意。幼麵爽爽,優質掛著濃郁醬油湯底。拼埋辣椒醬咸咸微辣醒胃,大注大注夾肥腸猛塞極暢快。牛腩菜肉餃咖哩魚蛋菜芯鴛鴦,新上任煮麵瘦大媽話從未聽過鴛鴦粉麵兩溝,覺得十分新奇有趣﹗我由幼稚園食到今時今日,神州文化差異。不過瘦大媽醒目地先烚麵後烚河粉,並沒有一齊煮喎,有料有見地。回想早前肥大媽煮到河粉過腍半溶,一直都不敢再食呢!新上任四眼哥哥夾餸,我想食福州魚丸,但哥仔不知道是什麼,可能已經取消,轉食咖哩魚蛋咯。其貌不揚看似平凡的菜芯,灼兩灼上碟,夠熟夠爽嫩還有陣陣菜甜,實屬難得。牛腩保持高質不下欄,肉彈帶汁,醃味得宜。特厚餃皮菜肉餃,不太食到餡料,豬肉韮菜嗎?只食到霸道的麵粉味。咖哩魚蛋夠香夠辣有魚味有咸味,結實不假。河粉夠完整堅廷不過腍不過濕,讓嚥韌幼麵夾著齊齊食蠻歡喜。枱上的辣油平平淡淡,不及出貨區的秘製辣汁香辣味濃可口。魚餅麵筋辣魷魚通菜出前一丁,沒有西洋菜就來堆通菜吧!難得旱通夠翠綠爽嫩菜汁豐富而甜美。麵筋非常巨大,白滾烚熱浸透,只嚐到強烈滾水味道加霸道油益味道,試試按到碗底讓湯汁洗洗,但無補於事。魚餅腍腍軟拉拉的,咸咸有著魚片的味道。放置於出貨區的魔鬼辣椒油,中辣夠香夠辣夠濃,蠻刺激醒腦!不過跟旺角通記、英記;大埔新舊蔡、學利、苑記;上水珍苑、龍豐、林德,都仍然相當有距離。沖水攤腍的出前一丁,再用白滾水烚熟,乏著討厭的滾水味道,麵粉味道流失殆盡,質地既腍且粉,硬著頭皮捲起配菜求其塞晒入口吧!四餸加出前一丁實在太過飽咯。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-13
103 瀏覽
午餐唔想食飯,醒起附近有間車仔麵店所以走去買外賣。其實呢間野食過幾次,不過不失。但今次隻豬手就令我有啲失望,滷得唔夠淋,要用力齒隻豬手😞無曬儀態不過佢地既豬大腸就好入味,好正。辣魚蛋就不過不失,係唔太辣。唔想食飯個陣都會再買既。豬手就無下次🤣 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-04
337 瀏覽
成日放lunch都唔知食乜嘢好,附近嘅餐廳都食暈晒。今日就試吓呢間車仔麵,估唔到又有啲驚喜喎。一入到去,就發現佢充滿着港式懷舊車仔麵嘅味道,可以一路落單一路睇住佢煮同埋揀餸。而我就叫咗福州魚丸,大腸,仲有滷水雞翼配埋油面。首先講吓佢嘅湯底,我就加咗少少秘製辣醬,覺得10分惹味。已配料方面,我就覺得佢哋嘅大腸幾好食,炆得夠林夠入味。如果大家lunch諗唔到食咩都可以試吓呢間! 繼續閱讀
(以上食評乃用戶個人意見 , 並不代表OpenRice之觀點。)
因為見open rice好多好評所以今日決定嗌佢嘅外賣,但一食之後,我想講真心未食過咁難食嘅車仔麵....1)個湯得個鹹字,仲要係好鹹,好似佢嘅特式就係鹹咁2)蘿蔔雖然甜但係勁多渣3)炸魚皮本身腍嘅,好似擺咗喺櫃到好耐好耐咁,超市一包包個啲仲好食過佢4)個炸餃子啲皮勁硬咬唔開,食唔出入面係啲咩5)另一碗嗌咗豬紅,完全無味係得個雞翼叫做正常少少,叫做有味道唔錯;想問係咪因為外賣所以唔重視食物質素???? 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-18
512 瀏覽
講真,食物水準還可以,種類多,但都是車仔麵餸款,無乜特別,牛腩是一般的碎腩,豬腸有時會有 壓味,間唔時去食下是可以的。但疫情期間,有次見到其他客叫餸時,在無帶口罩情況下, 伸個頭入去啲餸上面裝有咩餸時,係餸上面點餸,在這情況下難免會有口水噴落啲餸度,有欠衛生囉...開張到而家都有keep住一星期2,3次到食,但最近多了一個中長度髮扎辮嘅大嬸,態度,語氣其差,好似之前唔知幾時 得罪過佢咁,同佢對眼時永遠係啤住你咁,就算佢見到你望到佢啤你時,佢都唔會望開,keep住啤。後期去食三次都係咁情況。所以選擇唔再去lu.因為個大嬸趕走左客了。食飯都係想搵過舒適心暢嘅心情同環境下進食。※每次去食連凍飲都用成六十蚊,都不太算是個低消費客戶※(雖然不能指望車仔檔有好服務態度,但唔係可以老馮咁對客)P.S. 其實店內有個扎馬辮染啡金頭髮個姐姐,同短髮露耳個姐姐,態度就好好多,會臉露笑容咁幫你同講嘢。 繼續閱讀
(以上食評乃用戶個人意見 , 並不代表OpenRice之觀點。)