羊滋味

營業中

休息中

餐廳有各式各樣用羊整既菜式，而且佢哋用既羊係來自內蒙古進口既羊，所以好想同朋友試下，我地最後就揀左最多人食既羊腩煲🤤呢個菜式店內餐牌係標榜無味精既原始草原風味，可以食同埋直接飲兩用～又有得食又有得飲～佢哋嚴選進口自內蒙古的放牧黑頭羊，黎個係香港係比較少見既。羊腩煲熱辣辣既湯飄散着濃濃既藥材、當歸香味，湯底不但香甜，仲可以飲到黨參、龍眼、杞子與羊肉交雜的獨特味道。如果你係藥膳愛好者一定會非常中意黎個湯，𥚃面羊腩既數量亦到不少，粗略咁計都有十幾舊大大的嫩肉。羊肉冧得黎咬口十足，羊羶味亦唔會過份強，大部分人應該都可以接受到。而家佢成個煲份量真係好足料，我哋兩個人淨係食個煲都已經好飽，基本上上食唔到其他野。