影片
更多
2018-08-20
105 瀏覽
開心星期五!!!!星期五放工有咩做?就梗係去食一餐好㗎啦!今晚肥妹仔就約咗肥家姐一齊去中環威靈頓街嘅一間日式餐廳食OMAKASA， 我哋坐低嘅時候個店員會畀一份menu我哋睇，有三個套餐可以揀，而肥妹仔同肥家姐就揀咗 極 呢一個套餐嚟試下。Kiwami OMAKASA $1480先付 (松葉新鮮蟹肉)個蟹蓋入面有新鮮松葉蟹肉，上面仲有蟹膏同埋一啲啫喱。松葉蟹超級新鮮，一絲絲既蟹肉非常清甜同爽口， 蟹膏超香超鮮味，每食一啖簡直就係一種享受!!啫喱食落去鹹鹹地，應該係一啲海鮮上湯煮做成嘅，好特別!前菜 (柚子豆腐，白梅貝， 北海道粟米）柚子豆腐食落去嘅口感同望落去都好似鵝肝醬，但係食落去就有一種好清新嘅柚子味。 香濃既嘅豆腐味同埋柚子味一齊食，好清新。另外個北海道粟米超甜超多汁，每一粒粟米都好似食緊一粒爆珠咁樣，肥妹仔我未食過咁好食嘅粟米!!!至於個白梅貝肉質就好嫩滑 ，一啲都冇 螺肉嘅腥味，超級好食!!!松茸清湯肥妹仔我係第一次食松茸，覺得好特別!松茸係有一種獨特嘅蘑菇香味，係其他菇類搵唔到嘅。成碗湯既調味都係比較清淡，飲得出係冇落任何味精，好單純係松茸既味道! 飲落去好清新， 簡簡單單
開心星期五!!!!星期五放工有咩做?就梗係去食一餐好㗎啦!今晚肥妹仔就約咗肥家姐一齊去中環威靈頓街嘅一間日式餐廳食OMAKASA， 我哋坐低嘅時候個店員會畀一份menu我哋睇，有三個套餐可以揀，而肥妹仔同肥家姐就揀咗 極 呢一個套餐嚟試下。
Kiwami OMAKASA $1480
先付 (松葉新鮮蟹肉)
個蟹蓋入面有新鮮松葉蟹肉，上面仲有蟹膏同埋一啲啫喱。松葉蟹超級新鮮，一絲絲既蟹肉非常清甜同爽口， 蟹膏超香超鮮味，每食一啖簡直就係一種享受!!啫喱食落去鹹鹹地，應該係一啲海鮮上湯煮做成嘅，好特別!
前菜 (柚子豆腐，白梅貝， 北海道粟米）
柚子豆腐食落去嘅口感同望落去都好似鵝肝醬，但係食落去就有一種好清新嘅柚子味。 香濃既嘅豆腐味同埋柚子味一齊食，好清新。另外個北海道粟米超甜超多汁，每一粒粟米都好似食緊一粒爆珠咁樣，肥妹仔我未食過咁好食嘅粟米!!!至於個白梅貝肉質就好嫩滑 ，一啲都冇 螺肉嘅腥味，超級好食!!!
松茸清湯
肥妹仔我係第一次食松茸，覺得好特別!松茸係有一種獨特嘅蘑菇香味，係其他菇類搵唔到嘅。成碗湯既調味都係比較清淡，飲得出係冇落任何味精，好單純係松茸既味道! 飲落去好清新， 簡簡單單，但真係好好飲。
刺身 (池魚， 拖羅，深海魚)
呢一間餐廳嘅刺身非常新鮮好食，可以話係肥妹仔食過咁多刺身之中質數係數一數二！佢嘅拖羅真係入口即溶，一啲筋都冇，食落去好鮮味。深海魚同池魚嘅質地就比較結實同爽口，超濃魚味 ，對比起拖羅係另一種感覺。呢三種魚嘅刺身都超級好食，就咁點少少芥末醬就已經提到魚嘅鮮味，正！
目光魚天婦羅
肥妹仔我係第一次食目光魚天婦羅，魚肉非常滑嫩，粉漿炸到脆卜卜 ，點少少芥末鹽嚟食就已經超好食了！
秋刀魚天婦羅
呢個秋刀魚天婦羅非常特別，因為佢係將一片秋刀魚肉捲起然後攞去炸。 秋刀魚入面捲著一塊紫蘇葉同已經調咗味，唔需要再點任何醬汁或者鹽嚟食！佢嘅秋刀魚炸到三成熟，所以肉質都係非常嫩滑， 唔似煮熟咗嘅秋刀魚咁，會好嚡口！！
大蜆天婦羅
肥妹仔我未食過用蜆做天婦羅，佢嘅蜆肉非常大粒同埋厚身，食落去啖啖肉。蜆肉新鮮多汁，而且入面仲有切碎咗嘅蘑菇粒，除咗蜆肉嘅鮮味仲食到香濃嘅磨菇味。呢個天婦羅上面已經淋咗醬油，唔需要再點任何額外嘅醬都已經好好食。
合肴 (蒸魚滑）
佢上枱嘅時候肥妹仔以為係茶壺蒸，打開食咗一啖之後發覺原來唔係蛋，係魚肉嚟！！嘅但佢嘅魚肉就整到好似蒸蛋咁嫩滑，但係都食到好濃嘅魚香味，係肥妹仔從來未食過, 超好食！
日本牛肉 (熊本牛:牛肩肉，西冷)
聽店員介紹熊本牛今年係拎咗獎，佢嘅牛肩肉食落去超濃牛味，肉質非常嫩滑，牛肩肉唔會煎得過熟，食落去仲保留住半生熟嘅感覺，非常可口！而佢嘅西冷油脂超重，咬落去真係冇誇張，係入口即溶！牛味濃郁， 難怪熊本牛今年喺日本拎到獎啦！
食事 ( 天婦羅素麵）
個天婦羅素麵係凍食嚟嘅， 上邊有一塊炸好嘅天婦羅葉，食落去脆卜卜，點素麵汁食好好食 ，而呢個天婦羅素麵特別之處係佢嘅天婦羅下面有一堆梅冷，梅冷食落去好濃妹梅味，肥妹仔我覺得有少少似食緊刨冰一樣!酸酸地，非常開胃。素麵嘅麵質非常爽口彈牙， 連埋梅汁同素麵汁一齊食簡直就係一流!
甜品 (鹿兒島蕃薯)
佢嘅蕃薯係攞咗去炸，所以佢嘅外皮係脆卜卜但係入面就蒸到非常軟淋！鹿兒島蕃薯肉非常甜，而呢度嘅食法好特別，佢會畀一碟白蘭地同埋一碟白砂糖俾肥妹仔點嚟食！食落去好濃好香白蘭地嘅香味，點白砂糖就更加提出咗蕃薯嘅甜味，超級好食！
蜜瓜， 巨峰提子
蜜瓜同巨峰提子都超甜超軟，日本嘅生果真係冇得輸呀！！！
總括嚟講肥妹仔我食咗一餐超級豐富同埋精緻嘅日本菜，everybody, hapi friday!!!!!!
張貼
