161
9
5
港鐵中環站 D2 出口, 步行約4分鐘 繼續閱讀
電話號碼
28810033
開飯介紹
走中高檔路線,主打天婦羅廚師發辦(omakase)。室內設計簡潔,入口處的開放式天婦羅廚師桌,讓食客同時細味視覺和味覺的雙重享受。為保持客人新鮮感,餐牌每個星期轉換一次。 繼續閱讀
營業時間
今日營業
12:00 - 14:30
18:00 - 22:30
星期一至六
12:00 - 14:30
18:00 - 22:30
星期日
全日休息
付款方式
Visa Master 現金 AE 銀聯
座位數目
30
其他資料
網上訂座
Wi-Fi
酒精飲品
自帶酒水 詳細介紹
VIP房
電話訂座
賞訂座積分
加一服務費
有關獎賞計劃
食評 (186)
等級4 2019-06-05
5939 瀏覽
前兩日同左朋友去食瀧,omakase既味道同質素都幾唔錯😛😛頭盤 1:九州築崎蟹肉,薑mousse,蒸蛋,松葉蟹肉- 自家製薑mousse果然口感清新帶微微辣味、包含少少海水鹽味嘅築崎蟹肉、再加上嫰滑蒸蛋及鮮甜味十足嘅松葉蟹,軟硬鹹甜辣都有,而且沒有失去味道平衡同配合得好好,係一個令我對之後菜式有寄望的good appetizer!頭盤 2: 白白長竽,旺季螢光魷魚,蟹膏豆腐加木魚湯昆布啫哩- 白白長竽頗爽口,蟹膏豆腐加木魚湯昆布啫哩延續左上一道頭盤嘅體驗。之後到五月當造嘅螢光魷魚,佢哋好似BB仔咁滑,裡面仲有好多子,兩隻唔夠呀😂!小貝柱湯-芫茜。食完兩個冷頭盤幫我味蕾熱下身,就係時候調整一下飲番碗湯。一如既往,我永遠先飲湯試湯底,後試其湯料,看似平凡嘅小貝柱湯,估唔到又幾鮮味,最爆係嗰三個小貝柱煮湯後,肉質依然鮮甜柔軟,佢哋真係不能睇「小」!廚師精選刺身有深海池魚,白石鯛,吞拿魚腩,全部都係厚切!我食嘅次序係白石鯛>深海池魚>吞拿魚腩。試淺色先深色最後,因為深色通常都係濃少少,太早食怕影響淺色嘅原有鮮味。。。至於Tempura 系列:廚師白鹽,wasabi鹽,檸檬汁- tempura炸蝦 (粉薄~蝦肉彈牙👍🏼)- tempura山椎魚 (炸得啱啱好有外國海邊食Fish & Chips嗰種感覺)- Tempura 大蜆竟然用蜆本身嘅大貝殼剩載冬菇粒及三葉去吸收蜆肉煮炸時有機會流失嘅肉汁,可以話係Tempura最鮮食法呀- 金鯛魚天婦羅配蝦湯:嗶!個蝦湯濃到以為飲緊龍蝦湯,好奇嘅我問了一下店長,佢哋話用左成差不多百隻蝦去煲。之後再食tempura金鯛魚,魚鱗都食得😱炸完後食落仲咁香脆到好似食薯片咁)煲竹荀配昆布竹筍爽口,昆布柔軟好refreshing!主菜係熊本牛牛肩肉及用備長炭燒西冷,據說熊本牛香港好少地方有得食😬紫蘇葉天婦羅配梅冰素麵。帶微酸冰冷嘅梅冰令素麵保持冰涼,麵條好彈牙。炸了一小時的鹿兒島安立竽,配日本白蘭地後點糖(可連皮食)水信原餠有d似大菜糕用水造內含櫻花🌸再用黑糖包圍及黃薑粉,打卡唔錯 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-05
3065 瀏覽
老公生日唔知點樣同佢慶祝好,近排都好沉迷食omakase, 一嚟唔使自己諗食乜嘢,二黎廚師幫你安排嘅嘢通常都係最新鮮嘅食材,所以老公生日都諗住帶佢去食omakase ,係好好嘅環境之下好好慶祝一番。見到OpenRice呢間瀧有唔少好嘅評語,雖然價錢唔係特別平,不過呢啲重要嘅日子梗係要豪少少,最主要嘅係我見到餐廳嘅環境非常之好同埋食材都比較特別精緻,下定決心帶老公俾老公開心下。總共有三個套餐,分別係$880 $1280同埋$1480。 我哋就揀咗$1280同埋$1480嚟食。呢兩個套餐最大嘅分別就係$1480多咗個日本牛肉,不過呢個日本牛肉真係超級超級好食俾我揀多次應該兩個都會叫1480一嚟到好好彩安排坐喺師傅嘅前面,除咗嘢食之外都係一種藝術嘅享受,可以睇到佢點樣一樣一樣整啲嘢食出嚟,成個過程都係一種體驗嚟嘅。一嚟到有一個好特別嘅類似水晶球嘅小食,係透明嘅波波,入面有啲雲朵嘅。口感咬落去有啲似食啫喱,老公都讚話好靚。另外嘅前菜,有個魷魚非常之特別,好似叫做子持魷魚,入邊有啲魷魚嘅蛋,好似仲要係一年剩係得四至六月可以食咋,咁啱我呢個時候可以食到,幸運刺身方便有三款,其中吞拿魚拖羅超正,油脂分布好好,一咬落去全部都係油。非常之滿足。另外佢哋嘅天婦羅我都好推介,炸蝦天婦羅,隻蝦好新鮮。最重要嘅係佢哋嘅炸粉,好驚出邊嘅天婦羅炸粉好厚,呢個炸粉唔厚之餘,仲要係即叫即炸所以好脆。另外到佢哋嘅重頭戲,日本和牛我都好推介,質素可以講話比出邊好好多,和牛煎得啱啱好,大概三成熟,係由內到外嘅,越食越嫩,另外呢塊牛排,唔好見佢細細塊,但係真係好重牛味,仲要一啲肉渣都冇。主食方面我就好推介佢地既蕎麥面,呢隻蕎麥面同我哋平時食嘅唔同,係粉紅色嘅,平時食啲蕎麥面會有少少粗粗鞋鞋嘅感覺,但係呢個粉紅色嘅蕎麥面食落好爽口, 一chu上黎就停唔到口。最咪仲有個甜品,係日本番薯嚟嘅,日本番薯超級甜,仲要唔係死甜嗰隻有番薯嘅香味。總括嚟講呢一間非常之滿意,係一個好好嘅回憶同老公慶祝結婚周年。 繼續閱讀
(以上食評乃用戶個人意見 , 並不代表OpenRice之觀點。)
當日同另一半因為見到網上既介紹而黎主要想試下天婦羅有網友Share話似omakase問題黎啦, 因為經網上訂座亦因為第一次黎唔知道原來可以預訂吧檯, 網上OPENRICE亦無標明有咩選擇亦原來要坐吧檯先有得簡Tempura既omakase!傻豬豬既我地就只可以簡商務或者行政套餐或是普通日式定食其間叫做淺嚐到佢地既天婦羅脆漿薄身亦唔會掩蓋左食物本身既味道BABYCORN天婦羅都真係第一次試 (利申: 好憎BABY CORN)但以成餐飯黎講既用後感係”好普通”無咩特別難忘同出眾*反而服務個度就好深刻, 話說我地因為網上訂座而又唔知道坐位會影響餐點既選擇男侍應就提出問我地要唔要坐吧檯 (但當時都係無講到點餐選擇既詳細)而當時L字至吧檯眼見人少得2個人,當然想坐返靠店內無咁熱既位置既呢個時候係吧檯內煮緊野既Executive Chef Eric Chan (你既官網有你大頭好難認唔到lol)就一句砍埋黎 , 佢似同侍應, 實際似同緊我地2個好大聲講左句 : 呢度我HOLD左比人架啦, 唔坐得! 3個! (同時比手劃腳指咩位置唔坐得)男侍應之後繼續好好態度話不如坐另一邊吧檯(近門口)我們婉拒, 坐回原先安排了(我想是吧)的檯用餐期間除了有一位穿著與其他待應服裝不同的西裝男士(應是註場高級侍應經理???)在訓話另一位男同事之外 (訓話內容大致上是我想你用心做要用腦做,類似一些訓導指引的話, 你是否不想在公司工作啦..etc)當下心想自己到底去了那兒,是xx冰室還是xx牛奶公司?*還有一個深刻印象 , 在場唯一一位女侍應看來西裝男士也有需要跟她指導一下該位女侍應每次斟水都是跟你身體貼一貼再斟, 毫無距離感之言上菜也是喜歡越界 , 以上都是用餐時大忌就連基本走動都不願意, 多次直接從我(女士方)這邊把手誇到對面(同行者)的水杯就算走到每位客人身旁才獨立斟水或上菜不是基本禮宜和細節嗎?當下再次心想自己究竟去了那兒!!!!!是xx冰室還是xx牛奶公司!!!!!*既然瀧Tempura Taki想將自身定位為一間走中高檔路線的餐廳 , 表演出來也應成正比吧目前來說距離還是相當遠解釋餐店的運作, 讓客人清晰了解內容 , 注意侍應及員工的態度和服務手法 這一些相信都要重新整理整頓了這次原想帶外籍客戶到訪, 後來打算先訪一探再作打算吧心中亦不禁感到萬幸 , 做了正確的決定呢。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-23
187 瀏覽
香港比較少見嘅天婦羅omakase!初初都擔心咁多炸嘢會好熱氣 不過食物嘅多樣化完全解決了這個問題瀧 Taki Omakase~$1300/ppl*🌟先付前菜係松葉腳似配海膽及蛋白 配上超濃三文魚籽醬汁😝鮮味100分💯*🌟前菜有鞍康魚肝配平目魚、螢光魷魚、蕃薯及黑豆 黑豆出奇地好食😍甜滑軟糯😝*🌟湯炸過既紫蘇葉配上粟米凍湯 幾有特色 但不夠濃郁*🌟刺身刺身全部非急凍 由日本新鮮直送 特別喜歡池魚及拖羅 新鮮肥美😋*🌟天婦羅有花竹蝦、沙追魚、蜆、蟹肉腐皮蝦湯 天婦羅即炸熱辣 炸粉夠薄😋*🌟合肴子嗣魷魚好肥美!有膏係入面超級豐腴🤤十分驚喜既一道菜!另一道係燒雞 味道正常*🌟食事松葉蟹腳用蟹膏撈過 配上海膽雞湯稻庭烏冬 好鮮甜啊!😍*🌟甜品餐廳名物鹿兒島安納芋 連皮炸一小時 再沾上白蘭地及砂糖一齊食 又香脆又甜😆另外仲有情人節特有櫻花水信玄餅 配上黃豆粉及黑糖 清甜健康☺️*13道菜食足3個半鐘 侍應亦好細心地講解每道菜既特色 service都非常唔錯 絕對值得一試! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-22
185 瀏覽
今次同事帶我去食日本菜。一行入去見到餐廳啲佈置就知道又有好嘢食。 一入去見到張長長嘅吧枱,有廚師即刻係你面前煮俾你食。好型㗎呢👨🏻‍🍳 打開個餐牌,行政同商業套餐對我黎講太貴啦。👉🏻👈🏻 留返等我搵多啲錢先再食啦⋯⋯今次食嘅係,午市特選二重奏 $198 +10 %你可以揀兩樣你鍾意ge 野食,真心多選擇😍我就揀咗碎吞拿魚腩飯 同呢度最出名嘅天婦羅蕎麥面套餐仲包一啲前菜小食同埋湯。碎吞拿魚腩飯好香好滑好有口感,忍唔住不停「不下不下」係咁食天婦羅蕎麥面🍤呢度啲天婦羅個皮唔會太厚,食落完全唔會有油膩感。同事仲教我要試點佢三種醬汁,咁就有三種味道。好特別,好好食。果然冇令我失望好開心又搵到一間好好食嘅日本野,下次儲多啲錢一定要來試下佢個晚餐😋 繼續閱讀
(以上食評乃用戶個人意見 , 並不代表OpenRice之觀點。)