茶墨 (已結業)

又到聖誕~又到聖誕~今日出到黎尖沙咀感受下聖誕氣氛之餘周圍行下買啲裝飾返去佈置下屋企。行到攰攰地，想搵啲野飲野食補充體力，咁岩就係THE ONE呢到見呢間「茶墨」，就比佢吸引左！門面簡約、白色牆睇落好舒服。「茶墨」主打水墨風手搖飲品，同埋其他特色cake。Cake都好多選擇，放晒出黎比大家睇，真係睇見都流口水！平見好少食甜野既我見到都心郁郁，全部都好想試！最後我就揀左八女抹茶蒙布朗，同朋友兩個人share，咁就唔怕太肥啦！食落面頭啲抹茶好濃味，中間係cream，最底係蛋糕，食落不太肥膩，唔錯！麻糬芝麻烏龍鮮奶茶，望落真係好似水墨畫！黑芝麻味道極出，唔會比奶茶蓋過啲味，奶茶亦唔似台式奶茶咁甜到喊，比例岩岩好！麻糬芋泥茉莉鮮奶綠，比較特色既係佢軟綿綿既麻糬，好似珍珠奶茶啲珍珠咁，但更軟身更彈牙，唔會咬到牙都軟埋；同埋入面既芋泥，好有口感，飲完成個人都飽晒！