養心殿台式養生鍋 (已搬遷) 新店位置

養心殿台式養生鍋這間台式火鍋店，無論裝修、佈置、餐具，都充滿台灣風，好有上次去台灣食火鍋的味道，侍應服務也到位，點餐及上菜也很迅速。美人鍋湯底超級足料，一入口就有濃郁的金華火腿香，為整個湯底提鮮不少，還有原隻烏雞，烏雞肉質唔會老，配上大份量的桃膠，南棗，沙蔘和杞子，飲完大半碗湯都有少少暖胃嘅感覺，可能真係有美容功效。餃子拼盤包括有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，個人最喜愛麻辣牛肉餃，啖啖牛肉，麻味比較強，喜歡辣既朋友要一試，仲有韮菜餃，菜多肉少，感覺好清新。 鮮蝦雲吞和極品雲吞十分彈牙，很足料，啖啖都有蝦肉，不會很肥膩。手工丸類拼盤一共12粹每種味有2粒，可以一次過滿足我嘅好奇心！裏面有蝦丸，墨丸，梅菜逐肉丸，芝士包芯牛丸，黑松露蝦丸，同埋鵝肝墨魚丸。 黑松露蝦丸清香彈牙，梅菜豬肉丸夠特別，牛丸鲜甜，款款都好有口感，唔點野都好好味。雜錦蔬菜盤有娃娃菜、生菜、雜菇、粟米，選擇多，又新鮮，又甜。紫准山麵紫色好吸睛，口感有d 似真准山粉粉地，個人覺得配養生鍋會更夾。