福岡漢堡扒 (厚福街) (已結業)

食肉獸又出動啦🤣呢間福岡漢堡扒好特別，係有舊熱石比你自己整熟啲和牛漢堡扒，好食得嚟又幾好玩🤭 今次我哋叫嘅二人餐$366包埋飯、湯、沙律同埋飲品，成個餐好豐富飽到上心口！另外店員好主動換熱石，所以唔使怕食得慢舊熱石會凍咗😛▪️菠蘿煙肉和牛漢堡扒 (M)▪️除咗有和牛漢堡扒、煙肉同菠蘿，仲有蛋喺底可以配埋一齊食😍 店員就建議每邊肉煎3秒，不過大家可以根據自己嘅口味嚟決定煎嘅時間，就算煎多幾秒燶少少都好香口！菠蘿🍍中和返漢堡扒嘅油膩，呢個配搭特別fresh，另外仲可以根據自己口味配上佢地自家製嘅肉汁、鹽或者泡菜一齊食🤤▪️芝士蛋蒜和牛漢堡扒 (M)▪️鍾意芝士嘅話要試呢款！拉絲芝士配埋充滿肉汁嘅漢堡扒一齊食，真係好滿足🤤聽講呢間嘅和牛漢堡扒係用咗100%澳洲和牛去整，肉味好香又多肉汁！表面加咗唔少蒜片，食落更加香口～▪️芝士泡豚丼▪️大量泡菜加埋芝士撈飯勁邪惡！唔會太辣之餘都好開胃🤤，加埋半肥瘦嘅豚肉同和牛漢堡嚟送飯超正😍