影片
更多
2021-02-01
64 瀏覽
你想食咩牛嘅部位佢都有！🤩前兩日生日朋友就帶左我去呢間好特別嘅串燒店到食 一於同大家介紹下我地食左咩:1. 牛骨髓 $40好特別 未試過食啲咁嘅texture嘅嘢食 一試難忘 望落去以為食落應該腍啤啤咁 點知佢滑捋捋得黎有少少咬口 好有喜感 仲要上面有少少酸酸咸咸嘅醬 黎呢到點都要試試佢2. 牛沙瓜 $36 牛柏葉 $36 牛小腸 $40咬落都係煙煙韌韌咁 好有咬口 燒到好香 最特別係牛柏葉上面仲有啲秘製嘅甜甜地嘅醬 好味得黎好爽口 牛小腸同沙瓜都同樣唔錯 沙瓜應該係肚嘅一部份 （見到佢英文嘅描述）所以都好彈牙 好惹味3. 厚燒牛舌 $58 ✨呢個不得了 係我咁多樣最鍾意食 唔好以為佢同普通料一樣 佢真係名符其實厚燒 SUPER JUICY 啲肉汁同油脂係你每咬一啖都滲透你口腔每個角落 必食推介4. 免治牛肉棒 $58呢個都好好味 燒到真係好靚 佢仲有個豉油撈雞蛋汁俾你點 再加上較為厚實肉質嘅免治牛 真係好滿足5. 牛大腸 $38呢個感覺同小腸 沙瓜嘅好似差唔多 都係啲爽口彈牙嘅質感 好味嘅6. 鴨舌 $34朋友係咁讚呢個好味 其實我就第一次試 都幾唔錯 有少少軟骨 香濃嘅鴨味 好有咬
前兩日生日朋友就帶左我去呢間好特別嘅串燒店到食 一於同大家介紹下我地食左咩:
1. 牛骨髓 $40
好特別 未試過食啲咁嘅texture嘅嘢食 一試難忘 望落去以為食落應該腍啤啤咁 點知佢滑捋捋得黎有少少咬口 好有喜感 仲要上面有少少酸酸咸咸嘅醬 黎呢到點都要試試佢
2. 牛沙瓜 $36 牛柏葉 $36 牛小腸 $40
咬落都係煙煙韌韌咁 好有咬口 燒到好香 最特別係牛柏葉上面仲有啲秘製嘅甜甜地嘅醬 好味得黎好爽口 牛小腸同沙瓜都同樣唔錯 沙瓜應該係肚嘅一部份 （見到佢英文嘅描述）所以都好彈牙 好惹味
3. 厚燒牛舌 $58 ✨
呢個不得了 係我咁多樣最鍾意食 唔好以為佢同普通料一樣 佢真係名符其實厚燒 SUPER JUICY 啲肉汁同油脂係你每咬一啖都滲透你口腔每個角落 必食推介
4. 免治牛肉棒 $58
呢個都好好味 燒到真係好靚 佢仲有個豉油撈雞蛋汁俾你點 再加上較為厚實肉質嘅免治牛 真係好滿足
5. 牛大腸 $38
呢個感覺同小腸 沙瓜嘅好似差唔多 都係啲爽口彈牙嘅質感 好味嘅
6. 鴨舌 $34
朋友係咁讚呢個好味 其實我就第一次試 都幾唔錯 有少少軟骨 香濃嘅鴨味 好有咬口 正
Overall 推介指數：4.5/5
間餐廳嘅嘢食選擇真係好多 依家午市仲有啲定食套餐 其實仲有食到刺身其他好多signature嘅嘢食 除咗牛嘅串燒 佢亦都有雞羊等等嘅其他選擇 想食咩都可以係都叫 唔洗就黎就去 最重要係呢到啲牛串燒 真係好特別 推介大家一試
張貼
