3
蒜蓉燒龍蝦 (⭐️⭐️⭐️⭐️⭐️)
所有食物即叫即做，龍蝦可選擇蒜蓉或芝士醬。龍蝦燒出來肉質非常嫩滑彈牙，面頭舖滿蒜蓉醬真係好帶出龍蝦的鮮甜味，龍蝦肉量多，又有蝦膏，真係超抵食！
龍蝦汁大蝦意粉 (⭐️⭐️⭐️⭐️⭐️)
意粉熱辣辣好有鑊氣，龍蝦汁好濃郁，每一條意粉完全沾上醬汁，唔會乾身之餘好彈牙，大蝦開邊燒得惹味，微微燶配合蒜蓉醬更食得出蝦的味道。
西班牙黑毛豬肋串/ 雞軟骨 / 鹽燒牛舌心(⭐️⭐️⭐️⭐️⭐️)
欣賞餐廳火候控制恰到好處，微微燶讓豬肉嘅油分慢慢滲出真係好吸引，豬肉每顆都好有肉味，大大串食得好過癮！雞軟骨必試！雞軟骨每顆都燒至外脆內軟，唔會話得軟骨，仲有肉食，面頭灑上孜然粉十分惹味！鹽燒牛舌心雖然得4顆，但每顆都大大舊好爽口，牛的肉味好重，充滿油香。
牛油栗米 (⭐️⭐️⭐️⭐️⭐️)
金黃嘅粟米顆顆飽滿，火燒熱力均勻，每顆都熟透，外面搽上蜜糖牛油，食落去爆汁之餘仲要粟米本身好甜好正，食完再嗌一條！
韮菜 / 燒日本甜心蕃薯 / 串燒豆腐 (⭐️⭐️⭐️⭐️)
原條炭燒孜然韭菜，每條都相當新鮮脆口，原來單獨都可以咁香咁好食！燒日本甜心蕃薯細細粒甜得黎易入口，肉質柔軟，中和一下肉類的油膩感。串燒豆腐燒得好好，大大舊外脆內軟，豆腐好滑，外面搽上燒汁更突出豆味！
Asahi朝日啤酒( ⭐️⭐️⭐️⭐️⭐️)
啤酒夠凍，大大支啱晒送串燒，容易入口，啱晒我地唔飲開酒嘅人！
~~~~~~~
好燒式串燒專門店 (大南街) 太子大南街32-34號地舖
👍出色味道
👍地點方便
👍環境熱鬧
