和牛燒肉‧純

過往我和老公既慶生晚餐必定會選米之蓮餐廳。今年因為我懷孕，未必樣樣野都可以食，所以今次我決定選食一餐平日不捨得在香港食既優質和牛。每次找餐廳食燒肉都被和牛燒肉純吸引住，今次終於可以有機會試真係好興奮。和牛燒肉純既和牛質素真係冇令我地失望😋。有一樣令我覺得窩心既係和牛燒肉純既職員好體貼，當我打電話訂枱時話俾職員聽，因為懷孕所以希望座卡位，店員就問我介唔介意話俾佢知我懷孕幾多個月，因為拍個肚大會迫住。我冇諗過佢地咁上心，當我地坐低時，佢地為我地安排一杯茶一杯水 ... 我好感動呀！😍今晚我地選左特選日本產和牛肉眼、特選日本產和牛西冷、特選日本產和牛三角牛排肉、特選日本產和牛牛排肉，厚切牛舌。先講牛肉眼，真係有入口即溶嘅感覺，唔會太油，肉質細嫩。😋好味！下一個出場係西冷，我係OpenRice 見唔係多人點西冷，但因為見個menu 介紹西冷都係好味嘅一部份，所以我地點左黎試。西冷肉質同樣細嫩，而且肉味更濃。老公對西冷欣賞情度甚高。至於牛排肉，肉質同樣細嫩，有肉味還帶點油香。厚切牛舌當然唔可以缺少，彈牙好味！原本我打算點職員介紹俾我地既牛胸外腹，但牛胸外腹有少少汁，因為我唔可以食有汁既食物，所以