影片
更多
2023-10-30
35 瀏覽
今日同老公嚟到佐敦食鐵板燒omakase好耐都無食喇🥹，今次同佢揀咗個$788嘅set夠我地兩個食😋。鐵板海鮮二品我揀咗帆立貝同白鱔呢兩款海鮮，白鱔好有驚喜食落爽口彈牙，煎到外脆內嫩好好食👍🏻，帆立貝用咗黑松露同牛油聞落好香，而且食落好嫩滑好juice。另外兩款海鮮揀咗帶子同鮑魚，海鮮好新鮮鮑魚好彈牙，仲有啲蒜粒食落好惹味，旁邊仲有分子料理海鹽泡泡夾埋海鮮一齊食味道啱啱好。澳洲牛柳用咗3️⃣成熟嘅澳洲和牛🐮，牛柳好淋唔會食落有筋，另外配芥辣一齊食可以解油膩感，而且味道好夾，旁邊有櫻桃蘿蔔同食用花做點綴，如果覺得牛柳唔夠味仲可以點埋竹炭鹽一齊食。沙律煙三文魚再配上格陵蘭魚子醬夾埋意大利黑醋醬一齊食好開胃，旁邊粒龍珠果酸酸甜甜好好食。前菜用咗豆腐、唐心蛋、格陵蘭魚子醬、食用花，用匙羹溝埋一齊食好似鹹味豆腐花，魚子醬好鮮每粒都係口入面爆開。鵝肝多士鵝肝好厚好大塊，黃色嘅醬用咗秘製菠蘿而成🍍，另外中間白色嘅醬係手打忌廉，全部夾埋一齊食味道好夾，唔會搶咗鵝肝嘅味道。加拿大海膽炒飯炒飯一嚟到有好大舊加拿大海膽係飯上面，炒飯炒得粒粒分明，另外仲有蝦食落口感好豐富。昆布豆腐魚子湯昆布湯好特別，豆腐係一條條
鐵板海鮮二品
我揀咗帆立貝同白鱔呢兩款海鮮，白鱔好有驚喜食落爽口彈牙，煎到外脆內嫩好好食👍🏻，帆立貝用咗黑松露同牛油聞落好香，而且食落好嫩滑好juice。
另外兩款海鮮揀咗帶子同鮑魚，海鮮好新鮮鮑魚好彈牙，仲有啲蒜粒食落好惹味，旁邊仲有分子料理海鹽泡泡夾埋海鮮一齊食味道啱啱好。
澳洲牛柳
用咗3️⃣成熟嘅澳洲和牛🐮，牛柳好淋唔會食落有筋，另外配芥辣一齊食可以解油膩感，而且味道好夾，旁邊有櫻桃蘿蔔同食用花做點綴，如果覺得牛柳唔夠味仲可以點埋竹炭鹽一齊食。
沙律煙三文魚再配上格陵蘭魚子醬夾埋意大利黑醋醬一齊食好開胃，旁邊粒龍珠果酸酸甜甜好好食。
前菜用咗豆腐、唐心蛋、格陵蘭魚子醬、食用花，用匙羹溝埋一齊食好似鹹味豆腐花，魚子醬好鮮每粒都係口入面爆開。
鵝肝多士鵝肝好厚好大塊，黃色嘅醬用咗秘製菠蘿而成🍍，另外中間白色嘅醬係手打忌廉，全部夾埋一齊食味道好夾，唔會搶咗鵝肝嘅味道。
加拿大海膽炒飯炒飯一嚟到有好大舊加拿大海膽係飯上面，炒飯炒得粒粒分明，另外仲有蝦食落口感好豐富。
昆布豆腐魚子湯昆布湯好特別，豆腐係一條條平時都係一粒粒多，湯入面有魚子飲落唔會好鹹幾鮮甜。
是日甜品雪糕方面有兩種口味有紫薯雪糕同豆腐雪糕🍦，兩隻口味食落都好濃郁，雪糕仲用咗食用花做製飾，而且仲有爆珠紅豆咬落去係口腔爆開好特別🫘。
麒麟啤酒🍻
啤酒用咗100%麥芽同第一道麥汁釀造而成，宜家仲做緊優惠買一送一。
張貼
