名館 (已結業)

同朋友慶祝生日，喺中環食完tea覺得唔夠喉。行行下去到名館，朋友又想食中菜fusion喎，咁就入咗去喇。入到去都唔駛等位，好快坐低，坐低就有好香嘅蕎麥茶飲，好鍾意呢隻香味，可以無限添飲。知道嗰度仲有得買佢嗰隻蕎麥茶，但都唔平，所以無買。叫咗個櫻花蝦炒飯，天山雪蓮湯，天鵝咁樣嘅紫薯點心，同埋最吸晴嘅甜品——食炸糊（其實係桂花糕，但整到麻雀咁樣）。炒飯好香好好味，足料又唔太油，好食。天山雪蓮湯好清甜，仲有湯料可以食，而且唔太貴，值得推介，紫薯點心就一般，食完都幾滯。麻雀甜品好靚，仲有張人民幣同美金，原來食得嘅，但冇味唔好食，d麻雀就係桂花糕嘅味道，冇乜特別。總結呢餐都有驚喜，食得滿足。