更多
2016-12-06
317 瀏覽
同事話想換吉野家嘅座枱月曆,所以今日Lunch就去咗食喇。今次食咗1)深海魚柳定食深海魚柳定食只售45元正,有野飲、有麵豉湯、有一大碗飯、一大舊炸魚、兩大舊野菜天婦羅餅同一小碗咖哩汁(加汁要加錢),係非常抵食。不過碗咖哩汁少得可憐,點魚同點野菜餅都要就住食,莫講話用嚟撈飯食。。。魚同野菜餅都炸到好油膩,魚柳本身唔錯的,無炸過龍,亦無炸到乾哂,ok啦。不過個野菜餅真係超級油膩,一咬落去,啲油就咇哂出嚟,啲油味即刻攻哂上嚟。基本上食完塊魚柳,食多一舊野菜餅,再食多兩啖飯已經飽哂。後記:打依篇食評時已經隔咗8個鐘,但仲係好滯,而且不斷有強烈油味嘅胃氣湧上來,感覺好難受。
張貼