燒烤堂

營業中

休息中

燒烤堂鵝肝蘋果多士好屈機，同朋友講起串燒，個個都會講燒烤堂，價錢都幾公道味道正，火候燒得夠精準，又唔會過分調味，鵝肝多士係一定要食！推薦✌🏻免治和牛棒，牛味道超香濃，職員會即場刨芝士落去，Igable😍個飯好大好抵食。汁燒免治雞肉軟骨，月見汁係免治雞軟骨嘅精髓，醬汁唔算太甜同生雞蛋混合之後，雞軟骨變得更滑。明太子雞腿肉yummy，雞肉夠嫩口。A4 宮崎和牛好正，宮崎牛好出名，脂肪比例均秤牛味濃。麻辣墨魚鬚，食落幾特別同平時嘅唔同，更加爽口，加咗麻辣粉好惹味用嚟送啤酒最啱。焦糖鰻魚玉子燒燒至微脆，喜歡一邊燒到有糖脆，好好食。鹽燒牛舌芯亦係必食，牛舌比較厚身有咬口，勁香牛味唔腥。最後仲叫咗個燒菠蘿，大大粒方便食。