粗店燒烤 (已結業)

OT完同朋友係旺角經過呢間燒烤舖，見新開環境幾乾淨，價錢以旺角黎講都算幾抵。就入去試下一入座店員即刻幫我哋上咗啲調味粉，同點著保溫爐，都幾有儀式感。燒烤都係即場燒，都需要等一等。同朋友傾下計，啲野食都好快就上到。但都係建議上到即刻食，係最好味，因為保溫爐唔算太熱首先講下我地最有驚喜嘅係五花肉我自己本身係驚食肥肉嘅人，但呢個五花肉好嫩。肥瘦相間，入口啲油好似肉汁咁爆開，完全無肥膏噁心嘅味道。配上凍飲，真心超正，但記住一定要趁熱食其次就係呢個翠玉瓜，我平時都好少食瓜類，係朋友點所以試下，結果又係超驚喜瓜上面本身已經有調味粉，燒嘅程度啱啱好，好淋唔會乾。入口翠玉瓜本身嘅水分爆出來，好鬼正我覺得翠玉瓜同五花肉係必食另外我們仲叫左羊肉串，牛肉串，雞翅，雞軟骨，調味都啱啱好，唔會好鹹，適合驚燒烤太鹹嘅朋友小食方面我地食左 錫紙金針菇& 錫紙豆腐，口味都算比較清，適合食完油膩嘅肉類，清下個口。我地本身驚唔飽，仲叫左涼麵，結果食唔落🤣 涼麵我就打包返屋企食，雪左成晚，第日拎出嚟食，味道都出乎我意料。麵嘅質感完全無變，好清爽有彈性總括嚟講食物質素都唔錯