泰簡單

營業中

休息中

銅鑼灣原來總統戲院樓上有間裝修好靚嘅泰國菜，經過見到幾靚就上去試吓。冬蔭公 - 個湯非常濃郁，d香料味好清香，酸酸辣辣好開胃，入面仲有勁多料，有2隻大蝦，隻蝦非常新鮮，爽口彈牙。燒豬頸肉 - 燒到外面有少少焦焦地嘅感覺，入面仲好juicy,點埋個辣汁食非常惹味。馬拉盞炒通菜 - 個菜炒得好香，個汁辣辣地，又唔算太辣，呢個菜送飯一流。蛋網蝦球炒金邊粉 - 個蛋網煎得好靚，一上枱已經比佢賣相吸引，入面d金邊粉炒得好香，條條分明，煙煙韌韌，入面都幾多配料，當然唔少得蝦啦，除咗個粉入面有蝦，外面仲有2隻大蝦，上面鋪滿蒜蓉，食落好惹味。鮮青檸特shake冰 - 原來比埋個shake shake盅，自己可以娛樂一番，飲落呢杯野酸酸甜甜，好醒胃。鮮芒果汁 - 飲落好香濃嘅芒果味，因為係全芒果汁，所以呢杯幾抵飲。