影片
更多
2018-08-07
562 瀏覽
自從年頭喺台北旅行食過米苔目之後，煙靭控嘅我就一直對佢念念不忘！但係喺香港食到嘅米苔目大部分都模仿唔到正宗米苔目嗰種米香同軟糯嘅口感，真係好難食到地道嘅台灣風味呀。但係估唔到喺深水埗呢個咁就腳嘅地方，竟然就有正宗嘅台灣米苔目食！老闆娘話佢哋嘅米苔目冇落防腐劑每日都係新鮮即整，所以先可以做到咁有米香。湯底方面都有七款可以揀，有辣有唔辣，我就緊係試最原汁原味嘅豬骨湯底啦。米苔目嘅配料都好豐富㗎，有成22種配料可以揀，好有車仔麵feel！鍾意食爽口啲嘅麵食呢到都有米粉可以揀，配埋鴨血食，勁有台灣風味呀！除咗主打米苔目之外，呢到都有好多台式小食可以揀，冷盤、湯品、煎炸應有盡有。我就order咗蒜蓉鴨肉、玫瑰鴨舌、秘製豬大腸、綜合丸湯。蒜蓉鴨肉好軟熟唔會太靭，份量仲好抵食！玫瑰鴨舌絕對係我嘅最愛，玫瑰露嘅酒味啱啱好，亦浸得好入味，鴨舌fans必試！秘製豬大腸同綜合丸湯就係穩陣之選。豬大腸夠晒𣺉，綜合丸湯就可以一次過試晒魚丸、貢丸同花枝丸，正！下次嚟先再試埋其他小食！
自從年頭喺台北旅行食過米苔目之後，煙靭控嘅我就一直對佢念念不忘！但係喺香港食到嘅米苔目大部分都模仿唔到正宗米苔目嗰種米香同軟糯嘅口感，真係好難食到地道嘅台灣風味呀。
但係估唔到喺深水埗呢個咁就腳嘅地方，竟然就有正宗嘅台灣米苔目食！
老闆娘話佢哋嘅米苔目冇落防腐劑每日都係新鮮即整，所以先可以做到咁有米香。湯底方面都有七款可以揀，有辣有唔辣，我就緊係試最原汁原味嘅豬骨湯底啦。米苔目嘅配料都好豐富㗎，有成22種配料可以揀，好有車仔麵feel！鍾意食爽口啲嘅麵食呢到都有米粉可以揀，配埋鴨血食，勁有台灣風味呀！
除咗主打米苔目之外，呢到都有好多台式小食可以揀，冷盤、湯品、煎炸應有盡有。我就order咗蒜蓉鴨肉、玫瑰鴨舌、秘製豬大腸、綜合丸湯。蒜蓉鴨肉好軟熟唔會太靭，份量仲好抵食！玫瑰鴨舌絕對係我嘅最愛，玫瑰露嘅酒味啱啱好，亦浸得好入味，鴨舌fans必試！秘製豬大腸同綜合丸湯就係穩陣之選。豬大腸夠晒𣺉，綜合丸湯就可以一次過試晒魚丸、貢丸同花枝丸，正！
下次嚟先再試埋其他小食！
張貼
