紅葉茶屋 (帝國中心)

營業中

休息中

喺尖東呢頭行完街，朋友話紅葉茶屋喺呢邊開咗分店，梗係要試吓啦。我要咗個和牛壽喜燒定食，有兩款前菜、麵豉湯、溫泉蛋、白飯一碗同埋最重要嘅主菜和牛壽喜燒。前菜幾開胃，麵豉湯唔鹹。和牛嘅份量都幾多，肥瘦適中，好香牛肉味，仲有雜菜、豆腐同菇，壽喜燒甜甜地，唔會太鹹，配埋白飯好好食。朋友要咗特盛黑麻油濃厚豚骨湯拉麵，都有兩款前菜。拉麵有好香麻油味。我食咗一片豚肉，好淋好香口。朋友話湯底好夠味，拉麵口感唔錯。嘢飲要咗熱忌廉抹茶拿鐵，估唔到有咁多忌廉係面，仲配埋石頭朱古力，好有feel。抹茶拿鐵比較甜，中意甜飲嘅要試吓。朋友要咗熱蜂蜜薑紅茶，聞落好香薑味。最後叫咗兩款甜品，白玉餡蜜暖暖哋好煙韌，紅豆泥都好有口感。抹茶蕨餅份量都幾多，食落清香，同黑蜜好夾。