入麵 (已結業)

石門好多有良心小店，有時真係唔知揀邊間好，今次就試咗依間個名好得意嘅「入麵」。入到入麵，見到佢都多唔同選擇，仲好抵！有餸有湯麵仲有杯特飲（珍珠奶茶）。而且嘢食仲好正！清酒醉豬手👍🏻👍🏻👍🏻豬手入味但唔會過腍又有咬口，骨同肉嘅比例好好😛淡淡既清酒味好香，感覺唔會滯😘 蘿蔔仲要冇渣！！！仲有隻溏心蛋😛蒙古炸雞炸雞香口多汁，味道唔錯！口水汁撈麵 （重點推介❤️）依個真係推薦！張相係未撈既樣🤣好好味，唔會太辣，麵質好好唔會太腍，估唔到撈麵咁正。蕃茄湯麵同樣地，麵質好好，而且啲麵都掛湯，好味道！珍珠奶茶嗌左少甜，有茶香珍珠有咬口，跟餐送真係好抵👍🏻整體嚟講，入麵係一間又抵又好食又有良心嘅小店！下次再試吓其他餸！