強記大排檔

營業中

休息中

屋企人生日，話想食打冷野，就諗起上水街市上面夜晚有間強記大排檔，食過唔錯，就食過返尋味啦！上到去見已經好多人，不過因為成層都係佢經營，所以都搵到位！一坐低就有伙記黎講有咩推介，又話四川野出名，好殷勤招呼！不過因為我同屋企人都唔食辣野，所以都係叫Ｄ家鄉小炒就ＯＫ！我見沙拉骨係「龍虎榜」入面排第一，就叫沙拉骨啦！果然係非叫不可！每塊都好入味好淋唔硬，Ｄ沙律醬好夠味！食打冷當然要叫鹵水拼盤啦！可惜無晒鵝片，呢個係例牌，腩肉好多好好食，仲有鵝腸都好味，不過魷魚同紅腸少Ｄ，多返Ｄ更加好！然後再叫碟西蘭花炒鮮魷，兩樣野都好新鮮！仲叫多碟紅燒豆腐，好多舊，舊舊都大件抵食！好豐富一餐！