成都老碼頭火鍋 (已結業)

記得第一次食重慶火煱，真係响重慶，印象最深刻係食嘅時候，開一罐油！！好難得旺角都有一間好重慶風味嘅火煱，最重要係都係有嗰一罐油，將食物放入去沾滿油來吃，最初以為好肥膩，好怕，但係原來食落係唔肥膩嘅，仲可以減少辣味對胃部嘅衝擊，好香、好正！呢間老碼火煱做得幾足，响門口已經聞到重慶嘅味道，話說呢個位以前做過好多唔同食肆都做唔住，係老碼頭可以响度屹立多年，有料到。窩底當然係要鴛鴦，唔辣嗰邊個雞湯好正，記得要飲！另外又叫咗好多肥牛、黃喉、海鮮、鴨血等等，最邪惡係炸雞皮，一定要試吓！