影片
更多
2004-04-23
160 瀏覽
本年度的日本project開波，九州果邊又飛左兩個日本仔來講價，第一日食午飯，當然不容有失，就與他們來了這裡食上海菜。呢度樓底唔高，但裝修都唔錯，幾企理，就算請客食飯都唔會得失禮。菜色以上海菜為主，水準比小南國高幾班，同時下的一眾新派上海菜更是無得比，個人覺得比留園還稍勝一籌。可能係星期四的關係，呢度都只坐得七成滿。五個人，叫了四個冷盤，分別是醉雞、乾煸馬蘭頭、肴肉同烤夫；三熱盤要了紅燒元蹄、清炒蝦仁、拆骨魚頭同砂鍋津白，菜色方面有豬有雞有魚又有素，應該幾穩陣。原本請客應叫翅，但其中一個日本仔是環保人士，所以慳番，希望佢返日本都一樣不吃鯨魚肉；另外當然少不了鍋貼及小籠包；甜品是酒釀丸子及八寶飯。冷盤仍好有水準，醉雞用的是花雕酒，很是入味，酒味濃郁；呢排係馬蘭頭當做，當然不能錯過，是必點的菜色。加入麻油，亦有其獨特的香味，兩個日本仔食到猛話正，不讓其漬物專美；肴肉同烤夫都不俗，尤其是烤夫，呢度做得帶甜又濃味，好正宗。冷盤出色熱盤亦毫不遜色，都說過日本人怕啃骨，所以折骨的魚頭最適合，加上呢度會分埋一碗碗上，可以食得好企理。材料豐富，除魚頭外亦有花膠、筍、金華火腿等，味道非常正，是必吃的菜色
可能係星期四的關係，呢度都只坐得七成滿。五個人，叫了四個冷盤，分別是醉雞、乾煸馬蘭頭、肴肉同烤夫；三熱盤要了紅燒元蹄、清炒蝦仁、拆骨魚頭同砂鍋津白，菜色方面有豬有雞有魚又有素，應該幾穩陣。原本請客應叫翅，但其中一個日本仔是環保人士，所以慳番，希望佢返日本都一樣不吃鯨魚肉；另外當然少不了鍋貼及小籠包；甜品是酒釀丸子及八寶飯。
冷盤仍好有水準，醉雞用的是花雕酒，很是入味，酒味濃郁；呢排係馬蘭頭當做，當然不能錯過，是必點的菜色。加入麻油，亦有其獨特的香味，兩個日本仔食到猛話正，不讓其漬物專美；肴肉同烤夫都不俗，尤其是烤夫，呢度做得帶甜又濃味，好正宗。
冷盤出色熱盤亦毫不遜色，都說過日本人怕啃骨，所以折骨的魚頭最適合，加上呢度會分埋一碗碗上，可以食得好企理。材料豐富，除魚頭外亦有花膠、筍、金華火腿等，味道非常正，是必吃的菜色之一。份量亦大，一人可以吃兩碗，是日本仔至滿意的一道菜；紅燒元蹄是另外一味不能錯過的菜色，呢度的元蹄不跟風，依舊肥美，做得很正宗。坦白講，個人認為不吃肥肉的話，就不如唔好叫元蹄。甜醬油炆得好入味，大家先吃肥的，廋肉已沒有多大興趣去吃，伴碟的菠菜吸了甜醬油及豬油的味道，都好正！我冒著飽到上心口的危險叫了個陽春麵來撈元蹄吃，其實除了豬油撈飯外，甜醬油加豬油撈麵都係極品；因顧慮到要佢地食飯時拆蟹可能會比較不便，所以忍痛放棄了年糕炒蟹而叫了清炒河蝦仁，可惜。蝦仁得個爽口，個人是比較欣賞海蝦或蟹的鮮味；砂鍋津白湯底鮮甜，亦很足料同夠份量，除津白外亦有金華火腿、蝦、海參等才料，侍應分碗上，碗碗都咁多料，又係一人兩碗都吃不完。
基本上吃完冷熱盤大家已不用吃小籠包及鍋貼都夠飽，所以只有打包。這裡的小籠包及鍋貼可以斷隻叫，亦不如坊間的新派上海菜般跨張的多肉汁，不過亦皮薄肉鮮味，幾正宗又有水準的。
八寶飯是我在這裡必叫的甜品，做得香口又不過甜，好掂；酒釀丸子亦清香，唔錯。
因是午餐所以沒有叫洋酒，只叫了三支啤酒。埋單一千三百幾，請客的話唔算貴，但食物有水準，食到客人好滿意，所以覺得物有所值。上次佢地來港帶過去老上海食蟹粉撈麵，今次就蘇浙食元蹄，至少不負香港美食天堂的大名。
一直都認為如果要選最好的上海菜，呢度必定係全港最好的幾間之一，其餘幾間係留園、前身是老正興的老上海同北角雪園。
張貼