63
4
2
港鐵中環站 D2 出口, 步行約2分鐘 繼續閱讀
電話號碼
25263251
開飯介紹
註:行會員制,訂位要會員代勞及埋單亦要會員簽單,不收現金或信用卡。 繼續閱讀
特色
適合大夥人
營業時間
今日營業
11:00 - 23:00
星期一至日
11:00 - 23:00
其他資料
Wi-Fi
酒精飲品
自帶酒水
切餅費
電話訂座 詳細介紹
外賣服務
加一服務費
電視播放
食評 (73)
等級2 2020-05-19
478 瀏覽
第一次到香港蘇浙滬同鄉會食飯,一所只招待會員的食肆,仲要係在獨立房間內,房內的隔音設備一流,一關門,大廳的聲音幾乎消失,只會在侍應開關門時才聽到外面的聲音。由於是朋友請食飯,拍板的都是朋友。他一早問定我地各人食唔食翅,因為要預訂。訂的是最貴的火瞳雞炖大排翅,翅的粗度被我們稱為「公仔麵」,夾起來好軟,金華火腿香飄散出來,魚翅吸曬濃濃的高湯,就算金華火腿和雞肉已成是「湯渣」,火腿的咸香油甘味繼續正到爆。醬汁方肉又是極之好味,朋友介紹好啱女士食,因為骨膠原重。還有蔥燒海參,啖啖海參肉,有種充斥口腔的幸福感。一道清炒蝦仁又係無得頂,平時我地會覺得大蝦先抵,可是這裏的蝦仁卻是細而鮮味的,朋友介紹這才是功夫。素菜包最值得介紹的不是裏面的餡,而是包的味道,正。另外點左個餐飯沒有的墨魚肉+豬肉(唔知咩名),又係十分惹味。至於松鼠桂魚、生煎包、鎮江餚肉、炸饅頭等等,個人覺得味道都是屬於上等味道。朋友請客,共8人晚餐,埋單大致是9千左右。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-16
1044 瀏覽
在中環鬧市,一所只招待會員的食館,內有大廳,亦設有幾間獨立房間。上海滬菜,曾經品嚐過燻魚、烤麩、酸辣湯、嫩雞煨麵、毛豆炒蟹、松子魚,沙鍋醃篤鮮等菜式,每樣味道很不錯,尤其酸辣湯,材料符合湯量,不缺也不滿,試過很多間的酸辣湯,這間最好。最喜歡的嫩雞煨麵,簡而精,菜粒雞肉粒伴湯麵,不稀不稠。花雕醉雞,花雕酒味香郁,但雞偶爾也失手,有時嫩滑,有時卻過火,有點靭。朋友說,沙鍋醃篤鮮是上海傳統菜式,是一鍋麵筋鹹肉火腿塊小棠菜的清湯,很香甜。煎小黃魚,皮香鬆化,內肉嫩滑,很快被人煎皮拆骨,桌上只剩下一排魚頭梳子。要說黃鬆豆腐,一道很清新的菜,豆腐似一條長方塊的魚腐,配以白菓,翠肉瓜及火煺絲,清甜淡雅,跳出雞牛羊豬魚蟹蝦中的肉體。這裡食物水準很高,人均價錢約二百多塊,不過不能自出自入,很可借。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-20
1303 瀏覽
香港好多餐廳都行會員制 呢到就係其中一間訂位要會員訂 埋單亦要會員簽單唔收現金或信用卡真係冇會籍就食唔到某日夜晚同三個朋友黎食好西門口個姐姐好親切咁帶左我地埋位首先 我地冷盤叫左燻蛋同醉雞燻蛋半熟得黎味道好香好濃醉雞都好入味 雞肉頗滑某d部位比較多骨 有d減分然後主菜叫左獅子頭同埋雲吞雞獅子頭彈嫩又多汁 入口即溶特登叫多左碗白飯黎食呢味餸雲吞雞無論湯同雲吞都好好味湯好鮮甜 雲吞皮薄餡靚最後甜品叫左酒釀丸子同高力雪糕酒釀丸子既丸子軟糯酒香恰到好處balance得好好高力雪糕我係第一次食切開食既時候雪糕已經半溶狀態唔係好食到冷熱既感覺印象中價錢好美好(建議可以價錢收貴少少入面舊雪糕大返小小)呢到既食物價錢真係唔貴同好味今餐飯好滿意下次會再黎試其他菜式 繼續閱讀
(以上食評乃用戶個人意見 , 並不代表OpenRice之觀點。)
等級2 2019-12-18
674 瀏覽
又到食蟹季節了!蟹黃翅這蟹黃味道特别鮮美和煨滿上湯清甜軟滑魚翅是配合得天衣無縫!刺激著口腔的味蕾,令人一口接一口,停不了的嘴巴!蟹黃翅是江蘇蘇州的傳統名菜。蟹黃就是雌性大閘蟹黄色的蟹膏,一碗蟹黃翅要用二兩蟹黃,先將蟹黃搗成粉,上湯和馬蹄粉攪成為一碗黃色的”蟹黃芡”,上湯煨魚翅之後,”蟹黃芡”慢慢加入已煨的魚翅。這只是簡單的基本做法,當中每家廚師異曲同工,這個蟹黃翅總之就是好味道,很足料! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-18
1557 瀏覽
這裡只招待會員,所以一聽到公司今年在此慶祝中秋,唔駛考慮,即報名。冷盤燻蛋-好香煙熏味,流心蛋黃素鵝-腐皮加冬菇,煎得好香口青荀蜇頭-有麻油味,好爽脆醉雞-有紹興酒嘅香味清炒蝦仁-係細細嘅剝殼蝦仁,炒得好香火朣雞燉津白芯-用好多金華火腿煲嘅雞湯,成個湯咸味剛剛好,好有金華火腿香味,津白吸收了湯啲香味,真係好好食海參蠔皇鮑魚-鮑魚煮得好淋,好入味崧子桂魚-有酸酸甜甜味道樟茶大鴨鮮肉生煎包-有肉啲鮮味,juicy,飽底脆口豆沙鍋餅整體而言,真係非常美味,唔怪得,呢度雖然只招待會員,全廳都會座無虛席。 繼續閱讀
(以上食評乃用戶個人意見 , 並不代表OpenRice之觀點。)