三希樓 (已結業)

今日同朋友去銅鑼灣行街，想搵啲中菜食，就去咗呢間三希樓啦，聽講佢嘅酸菜魚同埋水煮魚好出名，就叫返個試吓啦因為擔心個水煮魚會好辣所以就揀咗酸菜魚酸菜魚嘅份量都唔少，叫咗個細嘅都嚟咗好大盆，而且佢全部都係選用魚柳，無骨可以大膽大膽咁食連埋啲汁同啲酸菜非常之開胃，仲送咗啲花生酸菜等等嘅小食。之後我哋仲叫咗個石鍋羊肉類似蔥爆咁嘅做法超級野味，個汁做得好好，加埋用一個石鍋上渣渣聲咁好正啊。最後仲帶咗份擔擔麵添，不得不提嘅就係個湯底好香，花生再加埋少少肉碎咁好好味啊，果然係川菜嘅專家，下次都會介紹朋友嚟呢度食~