影片
更多
2025-07-19
167 瀏覽
同老友去咗一間叫 Ciclo 嘅餐廳，入去試下先知原來係間fusion西菜，好玩得嚟又好食，真係要幫佢寫番篇review留念！開波嗰道 Tuna Tartare，已經令人眼前一亮。吞拿魚夠新鮮，切得啱啱好，口感軟滑得嚟唔會腥。配埋官億華辣椒醬加jalapeño辣得夠爽，仲有牛油果撈埋一齊，啖啖都係層次，最後嗌埋塊脆卜卜嘅紫菜脆片，一齊食落口，勁正！然後嚟到Crispy Short Rib，呢碟就係肉食控嘅天堂。牛肋骨外層炸到香脆，裡面肉質鬆軟、入晒味。重點係個hawthorn（山楂）汁，好特別，微酸平衡咗油膩感，配埋個燒焦感微香嘅risotto mash，真係有驚喜！主菜我最鍾意係 Drunken Crab Pasta，一出場就有淡淡紹興酒香。雪蟹肉甜美又唔腥，配上雞油炒墨汁意粉，香滑濃郁，每條麵都掛滿精華，係我見過最有氣質嘅「酒醉蟹」！甜品係 Chestnut Financier，即使食到最後都唔想放過。栗子cream滑到好似塗面cream咁，加上用咖啡煮過嘅啤梨，有啲苦甜交錯，層次勁高，唔會死甜。啱晒收尾。飲品方面，Genmaicha同Shisho都係cocktail，但夠清新。G
開波嗰道 Tuna Tartare，已經令人眼前一亮。吞拿魚夠新鮮，切得啱啱好，口感軟滑得嚟唔會腥。配埋官億華辣椒醬加jalapeño辣得夠爽，仲有牛油果撈埋一齊，啖啖都係層次，最後嗌埋塊脆卜卜嘅紫菜脆片，一齊食落口，勁正！
然後嚟到Crispy Short Rib，呢碟就係肉食控嘅天堂。牛肋骨外層炸到香脆，裡面肉質鬆軟、入晒味。重點係個hawthorn（山楂）汁，好特別，微酸平衡咗油膩感，配埋個燒焦感微香嘅risotto mash，真係有驚喜！
主菜我最鍾意係 Drunken Crab Pasta，一出場就有淡淡紹興酒香。雪蟹肉甜美又唔腥，配上雞油炒墨汁意粉，香滑濃郁，每條麵都掛滿精華，係我見過最有氣質嘅「酒醉蟹」！
甜品係 Chestnut Financier，即使食到最後都唔想放過。栗子cream滑到好似塗面cream咁，加上用咖啡煮過嘅啤梨，有啲苦甜交錯，層次勁高，唔會死甜。啱晒收尾。
飲品方面，Genmaicha同Shisho都係cocktail，但夠清新。Genmaicha有焦香茶味，配冬瓜糖漿幾解渴；Shisho個紫蘇味好特別，配elderflower syrup清甜中帶花香，飲完好醒神。
Ciclo係一間好有心思嘅fusion餐廳，無論味道、賣相、配搭都用心，啱晒想搵新鮮感又唔怕試新嘢嘅你，值得encore！
張貼
