影片
更多
2013-02-17
31 瀏覽
本人非常鐘情於抹茶, 所以慕名而來的。門面非常清爽, 貼左一D CAFE 既報導, 俾客人邊等位邊睇定有咩美食好介紹。因為試過等唔到位, 所以預早訂位, 最後都因為天氣問題, 坐唔到陽台。2個人坐係窗邊, 好耐無咁「疏扶」, 同朋友邊食邊睇下書, 又望下對面辦公大樓, 心裡有一種「好彩自己都未習慣營營役役既生活」既嘆息……咳,,,,離左題添....講番野食。叫左個有機豆腐漢堡, 好香濃既芝士, 豆腐份量好足,食完就好飽。不過點都係素食, 對我黎講淡口左D。 奄列入面有蕃茄仔同芝士, 附面包。好有心機做既菜式, 好美觀, 用料好足好新鮮, 由於以健康為前題, 對本人黎講淡味左D。HeHe 比起熟食, 甜品方面就真係要豎起姆指。依個蘋果批有鬆脆既外皮, 叉開之後, 蘋果香就散發出黎, 入口軟滑, 又保持到蘋果既爽甜! 再黎一個抹茶心太軟, 頓時覺得自己無黎錯, 好香既抹茶清香呀! 唔會太甜, 因為即時整, 所以夠熱, 流心就足料, 雖然等到最後先黎, 朋友同我都非常滿意。最後為左圓滿, 叫左杯matcha soul。由豆奶同抹茶沖成, 裡面混有桂花, 飲落都幾特別, 無唸過抹茶都可以跳開紅
門面非常清爽, 貼左一D CAFE 既報導, 俾客人邊等位邊睇定有咩美食好介紹。
因為試過等唔到位, 所以預早訂位, 最後都因為天氣問題, 坐唔到陽台。2個人坐係窗邊, 好耐無咁「疏扶」, 同朋友邊食邊睇下書, 又望下對面辦公大樓, 心裡有一種「好彩自己都未習慣營營役役既生活」既嘆息……咳,,,,離左題添....講番野食。
叫左個有機豆腐漢堡, 好香濃既芝士, 豆腐份量好足,食完就好飽。不過點都係素食, 對我黎講淡口左D。
奄列入面有蕃茄仔同芝士, 附面包。好有心機做既菜式, 好美觀, 用料好足好新鮮, 由於以健康為前題, 對本人黎講淡味左D。HeHe 比起熟食, 甜品方面就真係要豎起姆指。
依個蘋果批有鬆脆既外皮, 叉開之後, 蘋果香就散發出黎, 入口軟滑, 又保持到蘋果既爽甜!
再黎一個抹茶心太軟, 頓時覺得自己無黎錯, 好香既抹茶清香呀! 唔會太甜, 因為即時整, 所以夠熱, 流心就足料, 雖然等到最後先黎, 朋友同我都非常滿意。
最後為左圓滿, 叫左杯matcha soul。由豆奶同抹茶沖成, 裡面混有桂花, 飲落都幾特別, 無唸過抹茶都可以跳開紅豆, 同其他食材做配搭。 睇黎以後飲抹茶, 都唔洗一定下下「宇治金時」。
題外話/補充資料：
有時間會再去。做唔到飯堂, 畢竟個位置都幾遠。
野食方面, 人手少, 即叫即做, 所以上菜比較慢。
PS 本人貓痴,可惜今日見唔到貓貓
(以上食評乃用戶個人意見 , 並不代表OpenRice之觀點。)
張貼
