慶記 (已結業)

今日收工又同友人去試新野啦~ 呢邊新開左好多餐廳，路過見呢間鋪頭唔算貴，而且分量好足所以一試。先上黎既胡椒包煎得好脆好juicy，胡椒味好夠辣夠惹味，😍正! 特別欣賞呢間鋪既口水雞，好有心思，先將雞肉煮成雞肉凍，再切片，所以食既時候無曬腥味，而且肉質口感都比就咁食原只切雞好。主食方面，有滷肉既慶麵同埋茶熏雞排都唔錯，首先湯底同麵好夾，雞排茶味香，炸得酥脆。真係估唔倒呢度都有咁平既隱世美味。推薦一下。