93
5
5
港鐵奧運站 C1 出口, 步行約6分鐘 繼續閱讀
電話號碼
26090966
營業時間
今日營業
12:00 - 21:00
星期一至日
12:00 - 21:00
付款方式
AlipayHK 支付寶 現金 八達通
其他資料
加一服務費
當面支付
食評 (109)
去利奧坊探朋友,一起吃晚餐,就在樓下有家性價比高的上海餐廳慶記,麵食和小食價錢都很親民,一場來到,想試這裏的特色食物,在其他上海餐廳吃不到的更加要試試。這裏座位超多,晚市來到也不用等位,樓底高,裝修感覺挺舒適的。採用QR code 掃碼下單,方便快捷,點了飲品凍豆漿真的可以立刻送上呢!香酥排骨菜飯$48, 香酥排骨就是豬扒,酥炸過的豬扒,皮脆肉爽,肉質新鮮,也挺大塊的。有薑蒜辣醬另上,微辣而香,醮豬扒提升香氣不錯!菜飯菜粒也多,每口飯都有爽口感覺,吃得又健康。喜歡有一小勺梅菜醬,拌飯吃時像有梅菜扣肉的味道呢!茶燻煎軟雞拼滷肉慶麵$66, 別以為麵的份量很少,其實吃完非常夠飽。慶麵還是第一次吃,麵條口感煙韌有彈性;半肥瘦的滷肉拌湯麵還是第一次,平常都是吃滷肉飯而不是湯麵,覺得滷肉可令清湯味道更濃,吃麵條時,又增加滑嘟嘟口感。 茶燻煎軟雞其實是炸雞扒,很大塊哦!炸得外皮脆脆的不油膩,雞扒肉質嫩滑,仍然有肉汁,沒有炸得太乾身,廚師功架不錯呢!還有一碟像泰式辣醬的酸甜醬,只有微辣,微微酸甜,拌炸物吃一流!還點了兩款小吃。特色食物就是這裏的紅油百花抄手$52,與一般紅油抄手不同的是裏面的餡料用蝦和花枝做成,口感彈滑,有香甜的陳醋和麻辣紅油,還有飾面的炸蝦乾,拌勻吃超香,十分開胃。特別一讚麻辣紅油很香,可以另碟上,朋友不吃辣的,也可以吃到不辣的百花抄手。生煎胡椒包兩隻$26,也是這裏的推介食物。胡椒包最後才上桌,因為要讓您即時吃到熱辣辣的包子,一咬開,小心燙嘴,真的非常熱,裏面湯汁多得要爆出來了,很鮮甜的湯呢!包皮煎得脆脆的,肉餡胡椒味很濃,可以暖身。這頓飯吃得非常滿意,味道好,價錢合理,座位舒適,店員有禮,與朋友談天說地也不會趕著送客。下次來大角咀的話,一定會再來光顧! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-05
887 瀏覽
放工再次去咗大角咀覓食,呢晚揀咗食「慶記」,餐廳位於新樓盤地下商場。經過一定會見到,因為係地舖之餘,仲有好耀眼嘅燈箱👀。餐廳環境唔錯,面積幾大,整體光光猛猛,幾乾淨。當到咗夜晚7點左右,餐廳就開始多人👏。餐廳現時採用QR Code落單,但枱面亦放有實體餐牌。食物選擇頗多的,而且定價唔貴👍。我哋兩個人嗌咗兩個麵同兩份小食,已經飽晒🤰,因為份量好多。香酥排骨慶麵($52),🐷香酥排骨另上,豬扒好大件,不過炸皮有少少厚。慶麵本身附有肉燥,感覺都幾得意😎,因為多數係肉燥飯而唔係麵。另外,碗麵亦搭多幾嚿蘿蔔同豆卜。麻醬雞絲冷麵($40),一上枱嘅時候麵同雞絲都被滿滿嘅青瓜絲遮蓋🥒,頗為震撼。麻醬主要放喺底,所以一定要撈勻食。冷麵麵條比起湯麵麵條更有質感。口水醉雞卷($34/8件),而家都幾流行雞卷呢樣小食🐔。餐廳提供四件或者八件嘅選項,咁即係一個人嚟食都可以嗌。醉雞卷同口水醬係分開上的,所以可以自行調節辣度🌶。口水醬幾惹味,而且偏麻;雞卷本身嘅酒味就唔算太濃🍶。沙嗲牛肉鍋貼($28/2隻),嘩食完上面啲嘢已經飽晒,點知最後嚟嘅鍋貼超大隻🥟。鍋貼底煎到脆脆的,而入面就係爆曬汁嘅餡料。雖然話係沙嗲牛肉,但感覺亦都有啲似咖喱,點都好佢都係好食😋。桂花烏龍茶(每位$3服務費),餐廳會提供熱茶🍵,所以其實唔嗌嘢飲都OK👌。不過我哋都嗌咗豆漿,哈哈。總括嚟講,餐廳真係幾抵食,全日唔收加一服務費,每人$80就食到豐富晚餐,今時今日茶餐廳都未必做到🙈。難怪有咁多附近街坊幫襯或者買外賣啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-03
438 瀏覽
同男友係奧海城行完街就落左去大角咀搵野食,經過呢間上海菜,見到裝修幾“骨子”,價格親民又多選擇就入去試下~上海菜都係我幾喜歡既菜式之一😁我地叫左茶燻煎雞滷肉湯飯,紅油抄手,生煎胡椒包,玫瑰花蜜同埋一支豆漿~個茶燻煎雞一嚟到望落好似好燶,不過諗諗下應該係因為茶燻所以先咁深色😂 咬落去有淡淡嘅茶香味,好特別👍 外層非常脆但唔乾身,裡面好滑,雞皮有適當油脂但又唔會太肥膩,唔錯呀!😋滷肉飯成日都食,但係滷肉湯飯都真係比較少見😯 佢嘅滷肉肥瘦適中亦都好淋,幾好食,不過個湯底我就覺得調味稍為重左啲~紅油抄手新鮮煮起,黎到仲出緊煙😅 皮唔會煮到太淋岩岩好,皮薄餡多,我地叫左辣汁另上,而佢本身既汁係甜甜地,辣汁同平時食既紅油抄手有啲唔同,呢度偏辣偏惹味但就好似欠缺左少少蒜同辣既香味~最後壓軸出場嘅係生煎胡椒包😋😋 包底煎到非常脆但又唔會太多油👍👍 裡面勁多汁,鹹味適中,胡椒味愈食愈出,食到個人都暖粒粒😚今日突然之間凍咗好多所以我都叫咗杯玫瑰花蜜暖一暖身,蜜糖味幾出而且中和左玫瑰既苦澀味,好飲👏埋單唔駛加一好抵食👍 呢度既包咁出色,期待下次試埋生煎流心叉燒包同埋小籠包🤤🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-23
402 瀏覽
大角咀越黎越多新餐廳,是晚係呢頭做完野,順便搵下食。上網搵到了慶記,正想食下小籠包,就揀佢了。入座後店員送上QR CODE,可自行落單。店員送上一壺桂花烏龍茶,茶味幾香喎,做左成日野無乜點飲過水,覺得有壺茶真好。因為好口渴,又點了飲品,哈哈,要吸收點糖分嘛。自己點了玫瑰花蜜,玫瑰十分香呀~朋友點了洛神花蜜,甜中帶點點酸,幾好味呀。為了小籠包而來,當然要點一客了。皮薄多汁,夾起都不易穿,內裏的肉餡很鮮味,唔錯唔錯。朋友話要點呢個口水醉雞卷,雞肉紮實鮮味,無骨方便食,個口水汁又麻又香好好味,好彩叫左多汁,攞黎撈落麵度超正喎。朋友點的巴東牛筋條菜飯,香料味十足,牛筋條炆得軟腍入味。菜飯大大碗,但略微軟了點,個人喜歡硬飯,哈哈。自己點了茶燻煎軟雞慶麵,第一次黎梗係試個招牌麵先啦,湯頭係大地魚同濃郁的韭黃味,很鮮甜。麵條有嚼勁,吸了湯汁好好味。雞件則有點失望,煎得太燶啦,皮有點硬了,好彩雞肉還是很嫩滑。旁邊附上泰式雞醬,不過個人覺得口水汁好好味,所以拎埋啲雞件去點口水汁,哈哈。點單的介面易用,即刻計埋價錢,不用加一收費呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-05
579 瀏覽
朋友介紹嘅大角咀美食,價錢親民,有麵有飯,仲有點心同小食,選擇都唔少,仲用QR code落單,自助又環保。✨口水醉雞卷(8件) $34呢度嘅醉雞卷幾抵食34蚊有八件大大碟,食落啖啖肉,啱哂唔鐘意𦧲骨嘅我,雞皮又薄又滑,雞肉滑溜入味,酒香味適中,唔會嗆喉,口水汁香辣惹味,係個好開胃嘅冷盤小食!✨XO醬蟹肉小籠包(2隻) $35小籠包說得上係皮薄餡靚,內裡湯汁亦多,做到皮薄但唔易穿👍🏻餡料juicy充滿肉香,蟹鮮味突出,XO醬味唔會過濃,有提鮮作用之餘,唔會掩蓋原味道。而且有得一籠兩隻咁叫,人少少都可以叫嚟試。除咗小食之外,我地仲一人叫咗一個飯share,分別係香酥排骨拼滷肉菜飯&茶燻煎軟雞拼滷肉菜飯。✨香酥排骨拼滷肉菜飯 $62排骨厚切,外層炸得金黃香口,滷肉半肥瘦,有油香得嚟又有咬口👍🏻✨茶燻煎軟雞拼滷肉菜飯 $62茶燻煎軟雞嘅外皮非常香脆鬆化,雞肉保持嫩滑多汁,醬料味香濃仲帶有煙燻嘅香氣,份量仲幾多下添!✨熱桂圓蜜 $12朋友嘅熱桂圓蜜。✨熱玫瑰花蜜 $12我嘅玫瑰花蜜,味道天然,甜度適中👍🏻 繼續閱讀
(以上食評乃用戶個人意見 , 並不代表OpenRice之觀點。)