可可豬海南雞專門店 (寶榮大廈) (已結業)

今晚開OT，放工時在公司附近買了外賣回家晚飯。這家小店平日我午飯時候也常有幫襯，覺得幾好食。最近有新菜單，今日決定試吓新菜式及我最愛點的海南雞飯。驚嘆黑蒜醬燒豬軟骨飯這款是新菜式，一打開膠盒，香氣撲鼻，睇嚟個醬汁都好惹味，有五大件豬軟骨肉，啖啖肉，肉質鬆化，中間有豬軟骨，豬軟骨炆得好淋，QQ軟滑，滿滿嘅骨膠原，配菜還有薯仔，薯仔很有薯仔味，軟硬度適中。呢個新菜式真係好啱送飯，全部醬汁一滴不留用嚟撈晒飯食😋。特色椰香海南雞飯這個飯我經常點來吃，鍾意佢嘅飯除咗係普通嘅有味飯外還有椰子清香，有少許椰絲，淡淡嘅夜香真係好好味。當然海南雞亦相當有質素，海南雞而去骨，肉質嫩滑，沾上特製醬汁更加惹味。食療拿杯湯今日嘅湯係香芋南瓜湯。湯好夠熱，回到家還熱辣辣，湯已隔掉了湯渣，喝起上來很方便，真材實料有主家味道。熱情豐盛這是熱情果加上青檸及杞子的特製飲品。喝起上來很清新，感覺健康，甜到剛好，而且很解渴。