127
0
0
港鐵炮台山站 A 出口, 步行約4分鐘 繼續閱讀
電話號碼
22426388
開飯介紹
新加坡菜餐廳,店舖裝修以白色為主。特別推薦海南雞飯,椰香味十足。無論堂食還是外賣,都一樣有水準。 繼續閱讀
營業時間
今日營業
11:00 - 21:00
星期一至日
11:00 - 21:00
付款方式
AlipayHK 支付寶 現金 八達通 OpenRice Pay
其他資料
Wi-Fi
酒精飲品
自帶酒水
外賣服務
加一服務費
當面支付
食評 (129)
之前都寫咗篇食評介紹呢間嘅海南雞外賣,食完都一直念念不忘!今次索性帶條佬過嚟堂食!😂 本身條佬就麻麻哋鍾意食海南雞,平時出街都好少提議去食海南雞,今次我帶佢嚟嘅目的就係要佢愛上食海南雞!!😉呢度面積唔算大,放到三四張枱!平時就間唔中見到有人堂食,今日就一個人都無,包場咁👀 相信住附近嘅食客都係過嚟買外賣多,坐低咗一陣已經有幾個人嚟買外賣!呢度除咗有飯,亦有麵食、燉湯&特色飲品!❤️ 特式椰香海南雞髀飯 (標準) $48條佬一食第一啖即刻碌大咗隻眼!😳 之後就開始開行turbo係咁食!呢間嘅海南雞係好貼心哋去晒骨,啱曬啲怕食到骨嘅人💁🏻‍♀️ 海南雞肉質嫩滑無比,肥瘦勻稱!秘製醬汁濃郁香惹,酸辣有致!椰香飯嘅椰香十足,令人一口接一口送入嘴巴!條佬最後食到清碟,一滴醬汁都無剩!仲話早知叫增量size😂 我食標準size就覺得啱啱好👌🏻估唔到連佢都話呢個係佢近期食過最好食嘅海南雞🤭 仲話下次要再過嚟食添!成功令條佬愛上食海南雞啦🤩好食度:⭐️⭐️⭐️⭐️✨ (4.5/5)❤️ 麻辣牛展 +$22呢個牛展係凍食,食第一塊覺得辣度好輕微,食到第二塊啲後勁開始嚟料!🙊 牛展滷得入味而且好送飯!好食度:⭐️⭐️⭐️✨ (3.5/5)❤️ 金羅漢果養生茶 +$13金羅漢果功效有舒緩聲沙喉嚨痛、化痰止咳、清熱潤肺。味道清香清甜,甜而不膩,飲到菊花味,飲完有喉嚨好滋潤嘅感覺!好飲度:⭐️⭐️⭐️✨ (3.5/5)我第二日又過咗嚟買外賣!🤣❤️ 宮廷藥膳醉香雞絲湯米粉 $48分量比想像中細碗,我食完都幾飽,但食量大嘅人或男士可能會唔夠食!湯底有香濃藥材味同花雕味,唔油膩!面頭材料有生菜、豆卜、木耳絲、蟲草花、醉雞絲!米粉索曬啲湯汁,口感偏軟腍👀最後我飲曬啲湯,食完好暖笠笠😋好食度:⭐️⭐️⭐️✨ (3.5/5)餐廳推薦度:⭐️⭐️⭐️⭐️ (4/5)真係好值得推薦!價錢又平又足料,cp值超高!椰香海南雞食過真係返唔到轉頭,會再嚟幫襯👍🏻 繼續閱讀
(以上食評乃用戶個人意見 , 並不代表OpenRice之觀點。)
今日好忙,決定簡簡單單買外賣食個lunch就算。想食外賣都食得健康d,就記起呢間位於炮台山既可可豬海南雞專門店。如果唔想外賣,呢度都有幾個位可以堂食。等左10分鐘就走得。驚嘆黑蒜醬燒豬軟骨飯 $58今次決定試試新野,見到呢個驚嘆黑蒜醬燒豬軟骨飯個名夠特別,即管試試先。黑蒜醬燒豬軟骨同白飯分開放。燒豬軟骨有四大舊,雖然有d肉比較需要咬下,但d軟骨炆得非常非常淋,超正!個黑蒜醬好似有好多油,不過又幾好味道。豬軟骨下面墊左三舊薯仔,一樣整得好淋,仲有幾條生菜仔吸哂d汁好邪惡。白飯係普通白飯,飯量足。呢個餸送白飯一流。外賣叫呢款返到屋企仲暖,質素可比堂食。特色梛香海南雞飯 $56特色梛香海南雞飯我次次都會叫,貪佢外賣同堂食基本上一樣好食。飯量好多,成個飯盒好重手。海南雞有大概6件,有雞脾,雞胸同雞翼,連雞胸肉都好淋,配特製既甜醬非常正!今次既梛香飯進步左好多,梛香味濃左好多,飯既質感係比較濕潤個d。飯盒配有青木瓜沙律同車厘茄一開為二,下底墊左一塊生菜,看似辣但係完全唔辣。麻辣雞腎 +$18上次試過滷水雞腎,今次試下麻辣雞腎。雞腎爽脆,個汁堅辣,但係送飯食ok,下面墊左塊生菜又多條菜食,咁既價錢配咁既份量又幾抵食。食療拿杯湯 +$18 自己懶唔㷛湯,次次都加錢叫呢個食療拿杯湯。是日食療拿杯湯係薏米雪耳豬骨湯,個湯好健康,明顯冇味精,份量亦大杯,返到屋企先飲仲熱辣辣。金羅漢果養生茶 +$13呢個野飲好正,有金羅漢果,菊花,杞子同陳皮,但係味道一d都唔中藥,好清甜。佢夠甜但係d甜味唔假因為喺羅漢果度黎,飲落仲有好多細細片菊花瓣,拎到返屋企仲凍凍地,幾好飲。幾鍾意呢度d外賣,因為同堂食質素分別不大,而健康既選擇有唔少。下次可再黎。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-17
1627 瀏覽
疫情外賣唔知第幾編,今次係食海南雞飯同藥膳醉香湯米粉配牛展片另加小吃一款呢間真係好食,食過翻尋味,早幾日凍到得幾度,自然唔想煮飯又要洗碗,當然又係買外賣喇招牌椰香海南雞飯加豬手飯,另加一客養生茶凍冰冰想食暖胃就試埋個湯米粉再加小吃單埋$146,唔多貴,合理水平,份量超多,2個人都食剩少少原來呢度仲有竹絲雞海南雞飯,夠曬出位,一般人都只會拿來煮湯要讚下佢包裝幾好,唔會漏湯汁!先試個湯米,有虫草花,豆卜,木耳絲等唔同食材,成碗湯米都係走清淡路線健康無油,入口有啖啖藥材香氣,,試埋個牛展片,滷得入味夠厚片有口感米粉有個好處,吸湯一流,米粉吸曬個湯既鮮甜味,成完個人好暖和,味道清香得黎又足料海南雞飯配豬手飯,佢將個飯盒放到滿滿的,倒出黎分到差不多1.5碗飯,份量真係比足,夠良心海南雞去骨之餘,味道亦浸透入去,香而不油膩,雞皮嫩肉更嫩,去埋骨夠貼心豬手有兩大件,夠爽帶少少肉,夠曬骨膠原底層飯粒粒分身,佢配左個辣汁撈埋黎食更加好味,食到淡淡椰香既飯粒平均大約50-60蚊起,好抵食,有水準#可可豬海南雞專門店  #海南雞飯 #北角 #外賣 北角炮台山麥連街1A號寶榮大廈地下I號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-11
898 瀏覽
20200108☁️🌬️Friday 🌹好多香港人搵食只在銅鑼灣,其實香港東區炮台山都有好多小店,我每日都好頭痕唔知食嘜好,經過麥連街一間好光猛店子,女侍應話剛剛有新餐牌上市,啱晒我喜歡新嘗試既人;等候中,發覺櫃檯上掛畫,全部都係花💐🌷🌻(1)宮廷藥膳醉雞湯米粉:打開蓋後,藥膳湯味道撲向鼻,材料有菇、杞子、木耳、蟲草花、仲有醉雞帶點花雕味,雞絲頗多。(2)加$22 麻辣牛展:嘩!真係好麻😋好鐘意有這種麻的感覺,條脷痺痺地,如果有朋友喜歡食麻辣,必食。(3)驚嘆黑蒜醬燒豬軟骨飯:人不可以貌相,這句說話也可以形容餸菜上,醬燒豬軟骨不單入囗軟腍,肉質得一滲透黑蒜汁味,恰到好處,一定要Encore😋😋😋(4)加$18 食療拿坏湯:每一星期轉換一次,今星期是西洋菜羅漢果豬骨湯,我太喜愛飲湯,未拍攝,已經偷喝幾啖😋好貼心服務,紙坏是用了加厚身防燙熱。下次再試其他滋潤湯水😋😋😋 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-06
0 瀏覽
同樣也是因為ncov19影響了我的生活, 這天因為工作的關係前往了砲台山, 很擔心在外進餐會影響我的健康, 所以我為自己安排了外賣自取,選擇這家店舖的原因,全因為在網路上看見, 每個人也讚好的海南雞飯,但是我對他完全沒有興趣,也沒打算挑戰, 全因為每個也讚好的,我相信一定很好,我反而挑選了驚嘆黑蒜醬燒豬軟骨配白飯,這個令人驚嘆的名字。 但最重要的還是食物味道, 還算不錯,性價比也很高,白飯煮得恰到好處 ,另外,給醬油方面,蒜味十足,但不會蓋過了豬肉本來的原味道,加上豬軟骨挑選適當,肥瘦適中,不會太油膩。 繼續閱讀
(以上食評乃用戶個人意見 , 並不代表OpenRice之觀點。)