米拉 (已結業)

2個傻佬去觀塘行街，諗食咩最煩， 好啦大家都諗住普普通通就去比較集中嘅東廣場~ 小廣場黃店聚集比較方便…兜咗個圈決定咗去食鹽水雞， 叫完嘢食我去買嘢飲，行去另外一間黃店Mila~ 珍珠奶茶， 佢都好踢腳喎…一個人又要收錢又要沖茶~ 冇事冇事我等得， 雖然佢咁踢腳， 但係靚仔都好細心顧客嘅需要，沖茶見佢都唔係求求其其~ 呢啲係良心， 等多十零分鐘啦~ 拎到，味道唔失禮，我自己飲黑糖珍珠奶，黑糖都算重手落但唔會過甜，奶比較爽身~唔係好sticky到個口好立個種，夏天飲都有爽嘅感覺~宏觀黃店都係有人排隊， 咁當然我覺得去到今時今日黃店嘅出品其實係越來越平穩， 大家亦都因為理念去互助，係相得益彰~