圓山台灣料理 (已結業)

今日約左同隻佬去尖沙咀睇介指，睇完係諾士佛台搵野食。最後竟然去左圓山 ~~ 好驚喜呀 !! 哈哈 ~~ 呢間我想食好耐，但成日都唔記得左佢...所以今次終於食到都係驚喜黎架 !!上到黎，要等一陣位。好快就叫入座喇 ~~ 俾我想像中多人 !! 環境同普通酒家一樣 !! 我地睇左個 MENU 好耐 ... 好多台菜都想試呀 !! 最後叫左幾樣野 ... 話哂 2個人都唔會食到好多。首先係頭盤雙拼：鴨舌同鹽水雞，鴨舌既醬汁唔係出面一般既鹵水，反而係麻辣汁，好野味 !! 鴨舌亦唔會係好似香港一般既只有頭既部份，亦同台灣一樣有喉尾位 ~~ 呵 !! 鹽水雞一食令我諗起西門町街邊既地道口味 ~~ 如果呢道都有 芭樂 / 青瓜同花椰菜一齊撈，應該會勁開心 !!第二味係陽明山炒劍筍，我地最愛既荀呀 !!!! 味道有D似上海既回窩肉，好濃味 !! 荀絲有鮮甜 ~~ 入面除左大量既荀絲 仲有 豬肉 !! 呢個時候都真係想黎碗白飯 !! 太好味喇 !!呢個係我一直好想好想試既一道菜式，紅蟳米糕 !!!!!!!!! 一上枱對眼即刻大左 ... 原因好簡單 ... 佢勁爆膏呀 !!!! 好過份 ~~ 呢個價錢我