新容記小菜王 (已搬遷) 新店位置

深水埗福華街嘅街坊小店, 晚飯小菜都幾出名㗎, 不過未有機會試。 今次趁機會過嚟食個午飯, 試試啲手勢係咪真係咁得先。呢度環境算寬闊, 但都仲算坐得舒服。係一般少菜飯店嘅格局, 唔會話好高級。有親切感, 有人情味, 照顧周到, 有傾有講。一坐低, 一人一碗例湯, 真材實料, 煲咗好多個鐘頭, 完全冇味精, 夠火喉。<豉椒排骨河> 夠分量, 夠鑊氣, 排骨鮮味, 河粉嫩滑。大師傅手勢: 個芡汁煮得厚薄適中, 調味亦啱啱好。<牛肉炒麵> 個份量大到差啲食唔曬, 十分之抵食。當中嗰個白菜嘅份量, 差唔多等於炒一個例牌咁多。牛肉鮮美, 炒麵炸得脆樂樂。芡汁都係唔使講 - 好掂!<凍檸茶> 及 <熱奶茶> 水準不遜色於茶餐廳, 好味。