LM Cafe (已結業)

兩人 早早地黎食個晚餐，人唔多，即有位，四人台餐牌好多野食，西式港式都有，重點價錢好抵！點左個公司三文治，大大份，抵食，有蕃茄、芝士、餐肉、火腿、蛋、西生菜，足料！三片方包有烘底另一個係奄列魚柳飯配咖哩汁，奄列大大份，味道還好，因為有咖哩汁，唔辣，魚柳外面好似炸得硬左少少，比較脆口，不過裡面魚肉都唔係好乾。飯唔係好夠熱。HappyHour酒精飲品買2送1，我地一人叫左一支Cider，再送多一支可以之後先叫或者帶走。一個蘋果味一個梨味，蘋果味有d怪🤔，都係somesbry好飲d，但咁岩冇。 坐坐下六點，再叫多左個黑松露暑條，個醬好味！暑條如果粗d就更好份量一般，兩個人食還可以差唔多六點個陣就開始多人，4人台有人搭台環境不錯，五顏六色。