影片
更多
2015-04-23
1358 瀏覽
今晚同朋友食放題 呢間瀛喜真係勁勁勁抵食！我地去左元朗分店有兩小時任食，平日星期一至三就 $176一位，有88折，我地今次食9:30－11:30 時段 二人同行一人半價！！ 兩個人都係三百蚊炸！環境幾好，有啲日式既感覺，好闊落，吾會太迫。而啲侍應都幾好，落單同上菜都好快手，不錯不錯。食物有好多選擇，樣樣都好吸引，我同個朋友樣樣都叫啲lol首先，我地叫左放題一定要點既刺身！ 三文魚好正，好厚身好新鮮好甜好正，我地有encore lol 甜蝦就細d不過味道幾鮮甜。至於其他 如墨魚同八爪魚 好新鮮好甜。到壽司，壽司飯不軟不硬，不錯。花之戀壽司無得彈，有兩件三文魚包住少少飯，個外觀好吸引，好多沙律醬，成件事好夾！！其他如鰻魚壽司、火炙蟹柳壽司也不錯。整體來說，份量不太大，不會太濟，每件一口食完，可以食多d。難得既係d紫菜幾脆！！一品料理中 樣樣都幾正，最好食既係蒜香牛肉粒同炒雜菜！蒜香牛肉粒：牛肉好諗，用日本燒汁煮，好甜好食，加炸蒜，好惹味：）炸雜菜好足料：有椰菜粟米同紅蘿蔔，用牛油炒好甜，加啲木魚碎，幾夾。牛油粟米，椒鹽雞軟骨冇乜特別，不過不失，正常味道：D 椒鹽魷魚鬚：上菜個陣仲係熱辣辣
環境幾好，有啲日式既感覺，好闊落，吾會太迫。而啲侍應都幾好，落單同上菜都好快手，不錯不錯。食物有好多選擇，樣樣都好吸引，我同個朋友樣樣都叫啲lol
首先，我地叫左放題一定要點既刺身！ 三文魚好正，好厚身好新鮮好甜好正，我地有encore lol 甜蝦就細d不過味道幾鮮甜。至於其他 如墨魚同八爪魚 好新鮮好甜。
到壽司，壽司飯不軟不硬，不錯。花之戀壽司無得彈，有兩件三文魚包住少少飯，個外觀好吸引，好多沙律醬，成件事好夾！！其他如鰻魚壽司、火炙蟹柳壽司也不錯。整體來說，份量不太大，不會太濟，每件一口食完，可以食多d。難得既係d紫菜幾脆！！
一品料理中 樣樣都幾正，最好食既係蒜香牛肉粒同炒雜菜！蒜香牛肉粒：牛肉好諗，用日本燒汁煮，好甜好食，加炸蒜，好惹味：）炸雜菜好足料：有椰菜粟米同紅蘿蔔，用牛油炒好甜，加啲木魚碎，幾夾。
牛油粟米，椒鹽雞軟骨冇乜特別，不過不失，正常味道：D
椒鹽魷魚鬚：上菜個陣仲係熱辣辣，食落去，好脆好鬆化，勁有旺角掃街一包包個feel，勁正啊。
七味牛肉：啲肥牛好似用豉椒炒過，好惹味，加七味粉，我以為吾會太夾，但出奇既好味！！
到小食沙律：蟹籽沙律勁fresh，好多粟米同菜，啲蟹籽又勁多，不過如果多啲沙律醬就好。味付螺肉同芝麻八爪魚好好味！！好多醬，勁正啊！
軍艦方面：黃金魷魚軍艦都不錯，好足料，勁多粒粒魷魚。芥辣八爪魚軍艦好得意，不過芥辣真係好辣哈哈 蟹籽軍艦，勁多蟹籽！粟米沙律軍艦超好食，好多汁好滿足。
手卷方面，手卷料多過飯，啲紫菜都脆既。鰻魚手卷最好食，多醬又大大件！！！
天婦羅真心正，吾會太油或者太厚粉，最好食蕃薯同南瓜，水準高，不油膩，酥脆可口！
忌廉薯餅同吉列蠔，吾油啊。忌廉薯餅真係好好食 不過好'漏' hahah
芝麻雞翼好大隻，好多肉，芝麻味吾算太重不過都幾香。
芝士薯蓉幾好食，好多芝士，一大塊鋪係薯蓉度焗，每啖薯蓉都有芝士！好正好滿足！！！
雪米糍有vanilla同青蘋果味，其他放題好少有lol
整體來說，瀛喜好多野食選擇，又抵食！值得再黎
張貼
