影片
更多
2020-11-13
246 瀏覽
約咗鍾意食韓國嘢嘅舊同事聚餐，特登嚟到有「勇者塔」之稱嘅兆萬中心試下韓式放題。放題有分三種級數，今次我哋試下中級嘅世子御膳，已包埋次一級嘅大君御膳menu嘅所有食物。前菜有泡菜、大荳芽，仲有生菜可以同嚟包肉食。另外爐邊有韓燒常見嘅爐邊蛋。一開始先點咗啲可以即食嘅小食先。醬油蝦肉質爽脆，醃得好入味，我哋encore咗幾次。海鮮蔥餅好香脆，蔥香味幾濃。炒年糕口感偏軟幾煙韌，除咗年糕外仲有魚糕。水冷麵好清涼，啱曬食到熱熱地降下溫。一開始就燒下比較快熟嘅海鮮先。海鮮類雖然款式唔算多，但食落都無腥味幾鮮甜。牛肉個人最鍾意係調味烤肉，牛肉經過醃製口感比較滑，食落味道甜甜地好好味。LA牛排已預先切到細細舊方便燒，肉質好嫩滑。T骨牛扒好大塊，差唔多冚曬成個爐。豬護心肉好啱用嚟包生菜一齊食，食落爽口味道好有層次。辣海鮮豆腐湯都好足料，飲落唔算太辣。
放題有分三種級數，今次我哋試下中級嘅世子御膳，已包埋次一級嘅大君御膳menu嘅所有食物。
前菜有泡菜、大荳芽，仲有生菜可以同嚟包肉食。另外爐邊有韓燒常見嘅爐邊蛋。
一開始先點咗啲可以即食嘅小食先。
醬油蝦肉質爽脆，醃得好入味，我哋encore咗幾次。
海鮮蔥餅好香脆，蔥香味幾濃。
炒年糕口感偏軟幾煙韌，除咗年糕外仲有魚糕。
水冷麵好清涼，啱曬食到熱熱地降下溫。
一開始就燒下比較快熟嘅海鮮先。
海鮮類雖然款式唔算多，但食落都無腥味幾鮮甜。
牛肉個人最鍾意係調味烤肉，牛肉經過醃製口感比較滑，食落味道甜甜地好好味。LA牛排已預先切到細細舊方便燒，肉質好嫩滑。
T骨牛扒好大塊，差唔多冚曬成個爐。
豬護心肉好啱用嚟包生菜一齊食，食落爽口味道好有層次。
辣海鮮豆腐湯都好足料，飲落唔算太辣。
張貼
