宏鮨芯 (已搬遷) 新店位置

入咗去屯門打保齡球 就順便喺嗰頭食阿晏估唔到呢間小店竟然都有浜燒🤩 冇理由唔試吓 呢個價錢竟然可以食到甲羅燒 仲有燒北海道帶子 真係幾抵 甲羅燒好香濃 仲有絲絲蟹肉 入口即溶 都唔會燒得太乾 配埋烘過既麵包真係好好味 不過我覺得略嫌鹹咗少少 北海道帶子超大粒 仲要切開咗花 賣相都超級靚 用咗牛油同少少蒜蓉燒 好鮮甜 都唔會燒過火 一啖食一口真係好滿足個餐仲配左麵豉湯同埋日式炒飯 再叫多咗兩舊我最鍾意食嘅軍艦壽司 蔥花吞拿魚茸軍艦 吞拿魚唔會切得太碎 口感好好 調味亦都唔會過咸 三文魚子超級大粒好飽滿 一咬落去啲油香爆曬出嚟 值得一讚壽司都好新鮮