平昌 Premium (已結業)

其實已經不是第一次來晚餐，貪佢地點方便、食物OK、價錢算相宜。前兩次嚟都坐近門口，而且近晚上9點先到；所以感受不到「真面目」！今次我跟一位好友來，主要想傾下偈食餐安樂晚飯；在OpenRice book左 7.30pm枱，好開心唔駛等，今次坐在餐廳較入位置。點知，坐左10分鐘我已經覺得呼吸困難－ 通風系統真係好差！全場啲煙係大到好似坐左喺煙囪裡面食飯！其實環境已經好嘈好嘈；但環境音樂仲要極大聲的 K pop－－－係大到我同朋友要聲嘶力竭咁同對方講野！好辛苦！！叫左侍應嚟兩次表示想「細聲啲音樂可以嗎？」完全無用。但其實我眼見啲侍應已經做到頭都暈！好慘。間餐廳係嚴重管理不善。而且我睇到裝鐵板、食具的車仔油立立；好恐怖好污糟。同時，我朋友的頭頂冷氣，就開始滴水落佢膊頭。  我望一望四週；原來餐廳幾個位都滴緊水！點解可以無人理！？食左一round我已經覺得不能忍受，同朋友決定「轉場」。以後唔會再嚟。成晚我個鼻同氣管都持續好辛苦。我奉勸大家唔好幫襯；唔係因為食物；而係為大家健康。