黑木亭居酒屋 (金馬倫道)

之前同同事出去開會去過黑木亭天后分店食過lunch，今日同朋友去尖沙咀分店試埋佢地既晚飯，地理位置非常方便，佈置得好有日式地道居酒屋既氣氛，食物款式都幾多🍆天婦羅茄子田樂燒 ($68)小食叫左天婦羅茄子田樂燒，呢道菜看似簡單但盡顯師傅功架，外脆內軟，配埋秘製醬汁，口感豐富🦞波士頓龍蝦二食 (原價$747; 特價$448)見佢龍蝦做緊特價，唔洗$500可以試哂龍蝦刺身同石鍋龍蝦泡飯，性價比都幾高，先食左個刺身，龍蝦好新鮮，肉質爽口彈牙，石鍋龍蝦泡飯上枱嗰陣已經聞到好香，泡飯好綿滑，吸收哂龍蝦湯既精華，味道香濃，推介🥰🍝日本啤酒拉麵 ($98)個名咁特別當然要試下啦，賣相好吸引🥰用啤酒造型配拉麵又幾得意，店員介紹上面既啤酒泡其實係忌廉芝士，甜甜地好似芝士奶蓋既口感，撈埋拉麵湯汁一齊食好正🧉蜜桃烏龍熊茶 ($58)幾乎每枱都叫呢杯蜜桃烏龍熊茶，打卡一流，熊仔造型既冰好可愛，蜜桃烏龍茶口感清新，消暑之選👍🏻👍🏻👍🏻🍓北海道士多啤梨牛乳乳酸 ($48)呢杯好粉紅既士多啤梨牛乳乳酸又係好啱打卡，士多啤梨好香甜，配埋乳酸一齊飲，酸酸甜甜好開胃😌😌😌