OPPA韓國燒肉店 (已結業)

記得以前喺大埔食過一間燒肉店令我一試難忘😋今日朋友想食燒肉我就即刻諗起呢間oppa燒肉🤩呢間嘅燒肉真係又高質又抵食，而且仲有超多飲品㗎！！一嚟到就先上一個和牛拼盤😉入邊有晒所有和牛嘅不同部位，可以一次過試晒唔同嘅肉，真係大滿足🥳🥳大家睇吓，完全估唔到一間任食嘅燒肉店可以有油脂分布咁靚嘅和牛😂😂真係入口即溶，完全係幸福嘅感覺🥰🥰🥰如果出去單點呢舊肉都要幾百蚊啦，但係呢度幾百蚊就可以任食👍🏻👍🏻除咗和牛之外海鮮拼盤都好好食，帶子又大隻又新鮮！虎蝦超長超大彈牙🤫另外我覺得豬皮豬大腸都好好食！除咗燒肉之外仲有好多韓國小食，例如炸雞煎餅冷麵拌飯。完全就係一間韓國餐廳正常嘅Menu咁豐富咯😌😌😌飲品方面除咗凍櫃入邊嘅罐裝飲品可以任拎，仲可以飲埋紅白酒同埋生啤呀，好爽！好多餐廳再次到訪都keep唔到以前嘅水準🥳但呢間燒肉店真係同我以前黎一樣咁好食😀唔怪得平日黎都爆曬場啦😯