燒一番 (已結業)

呢間章魚燒店極度唔起眼，喺沙田廣場嘅一個角落，人流亦不多。用佢哋嘅QR code 落單有9折，味道選擇好多，可以揀雙併。今次試咗一番蜜糖芥末章魚燒，章魚燒表皮煎至香脆，裏面嘅餡料軟綿綿，每粒章魚燒入邊都食到章魚🐙，蜜糖芥末汁亦有驚喜，一入口食到蜜糖嘅甜甜地嘅味，後勁食到芥末嘅辣味，唔食得辣嘅朋友就唔太建議揀呢個，醬汁落得好夠，啱晒鍾意多醬汁嘅我，海苔嘅份量亦好多，一開始店員會放在章魚燒的旁邊。下次有機會會想試埋其他口味。