燒一番 (已結業)

#20231216 🤍📍 燒一番 @no.1takoyaki 沙田橫壆街2-16號沙田中心3樓22A2號舖➖➖➖➖➖➖➖➖➖➖➖➖➖➖➖➖➖#蟹子 #柚子蜜 $45+2💭 沙田中心最近有個大翻身，多左好多野食😋呢間章魚燒有好多口味可以揀，蟹子係🐷食親章魚燒必選的！不過佢無想像中咁多蟹子，但配柚子蜜幾夾，第一次食柚子蜜章魚燒，估唔到甜甜地又幾好食，同蟹子係鮮甜加果甜🥰章魚彈牙，係略嫌個皮燒得有啲硬🐙見到佢貼左租約期滿做到月底咋，要試襯早喇😅.#沙田美食 #🐷在沙田 #🐷_食

幫襯過幾次，第一次食完覺得幾好食，諗住再幫襯過，叫嘢食個陣個女人態度好差(我估應該係老闆娘？)，好似唔想做甘。而且叫左個8粒嘅章魚燒，我前面應該仲有4個人，等左成20分鐘先攞到一個岀黎。叫個陣又無講原來仲整緊要等好耐，後來越來越多人，好多人最尾連叫嘢食都無就走左，我就足足等左半個鐘先有

位於沙田snoopy世界附近嘅章魚燒店🥢章魚燒有17款口味選擇😳多到選擇困難😂另外仲有冷/熱烏冬等等店內有少量位置可以立食 學生另外有優惠啊必試酒煮鮑魚燒😍用左原隻八頭鮑魚取代章魚 酒味濃郁 第一次食有酒味嘅鮑魚燒 酒味溫和得黎又幾特別 不錯啊😋而章魚燒粒粒飽滿 章魚都算幾大粒 火溶芝士會係章魚燒上面加芝士火炙 好邪惡🤤黃金流沙章魚燒醬料超多 鹹香十足❗️烏冬有三款口味選擇 可以跟餐或單點 超多醬汁 烏冬彈牙

街坊推介小店！係好運中心外圍面向新城市snoopy世界個邊，第一次嚟有啲難搵章魚燒款式多有17款，當中唔少都幾特別，真係選擇困難症發作🤣全部即叫即製，大概等10-15分鐘，拎上手熱辣辣有bar枱仔可以係店內立食，章魚燒都係即場食最好😎Follow鋪頭IG有9折優惠💰-👍🏻一番黃金流沙章魚燒(9折後) $38/8粒好少見呢個組合嘅章魚燒，幾特別！面頭鋪滿大量鹹蛋黃醬，比較流質有起沙口感淡淡蛋黃鹹香同牛油香，估唔到新奇得嚟又幾夾🤪-👍🏻一番酒煮鮑魚燒 $68/6粒招牌item！內餡係醉酒鮑魚粒，鮮嫩彈牙唔韌入口酒香濃郁唔苦澀，有啲中日fusion感覺第一次食呢個配搭幾有驚喜，雖然價錢有啲貴，但味道真係唔錯😌-🔸整體章魚燒表面微脆，內裏軟腍唔厚粉，章魚粒大細都OK唔係鼻屎size🤣加上大量沙律醬、章魚燒汁、各款toppings不過醬汁比較多，難免會慢慢令到外皮冇咁脆口挺身-🔸轉套餐連飲品 關東煮烏冬 +$25 & 蟹籽沙律冷烏冬 +$18關東煮湯夠熱辣辣，淡淡鰹魚味，清甜唔頸渴配料鳴門卷獅子狗等份量比想像中多，不過讚岐烏冬稍為煮得腍咗啲啲🤏🏻另外有三款冷撈烏冬，加上章魚燒汁、沙律醬，啱夏天食

有冇鍾意食章魚燒嘅朋友仔🔥今次為大家帶來一間位於沙田的章魚小丸子店🥠小店位於沙田中心，就係新城市隔離，位置都好方便🤩章魚燒全部即叫即燒，每粒都脹卜卜，夠大粒足料🫶🏻重點佢地竟然有多達17款口味既選擇，味道各有特色👍🏻佢地仲有烏冬供應，醫肚之選_🔹章魚燒▪️一番酒煮鮑魚燒 $68/6粒新推出嘅限定款式‼️小店用咗鮑魚取代章魚粒，鮑魚口感仍然彈牙，啖啖香濃酒味幾特別，值得一試🐙 雙拼章魚燒 $45/8粒選擇困難既朋友仔最好就係叫雙拼試多款味道😎今次揀左蜜糖芥末同麻辣口味，章魚燒面層淋上濃郁蜜糖芥末醬，帶點清爽辣味但又不會過甜，恰到好處🍯鐘意食辣既朋友必食麻辣，邪惡惹味🌶️💛一番黃金流沙章魚燒 $36/6粒 $42/8粒煮溶咗嘅黃金流沙鋪滿章魚燒面層，食落啖啖流沙帶鹹香味，每份章魚燒都灑上大量鰹魚乾，食多幾粒都唔怕膩☺️🔸烏冬一番關東煮烏冬 現時佢地有四款烏冬選擇， 關東煮烏冬湯底淡淡清甜，加入竹輪、昆布、魚板等口感豐富，十分惹味🥰🦀 蟹子沙律冷烏冬 夏天必食🧊冷烏冬口感清爽富嚼勁，配上鮮甜蟹籽、青瓜絲及沙律醬酸酸甜甜好開胃另外亦可轉套餐配埋章魚燒及飲品，作為正餐定下午茶都得🥢

今次想介紹我舖頭附近嘅章魚小丸子店🐙平時食lunch諗唔到食咩就一定會食呢間🤣 @no.1takoyaki 佢係位於沙田中心比較隱蔽嘅外鋪 不過都比較多人食 落單之後等大約五至10分鐘就拎得🔥全部都係即叫即燒 熱辣辣😍麵粉唔厚 而且裏面好足料 最重要係佢哋有多款口味選擇 有好多限定特色 鍾意食章魚燒嘅一定唔可以錯過‼️💓一番酒煮鮑魚燒 $68/6粒呢款係佢哋新推出嘅限定款 用咗鮑魚黎取代章魚粒 而且有浸浸香濃嘅酒煮味 鮑魚彈牙新鮮 成個感覺好創新 而且口感冇咁膩 麵粉唔會好厚 好值得一試🥰💓一番黃金流沙章魚燒 $36/6粒,$42/8粒呢一款係我平時放lunch會食嘅款式 佢唔似坊間嘅鹹蛋黃咁硬 煮溶咗嘅黃金流沙鹹香味十足 黃金流沙溶入去章魚燒既面層 一啖食落口 好飽滿 食多幾嚿都唔會覺得好膩 口感好豐富😍💓一番黑松露章魚燒 $33/6粒,$39/8粒呢個價錢都真係幾抵食👍🏻滿滿嘅黑松露一啲都唔吝嗇 再配合埋沙律醬同章魚燒汁 略嫌比較鹹 但整體感覺口感好豐富 鍾意食黑松露嘅一定要叫呢款🤣💓一番關東煮烏冬 💓溫泉蛋明太子冷烏冬烏冬佢哋有四款選擇 午餐時間我會章魚燒配搭一款烏冬套餐 咁就已經

凍冰冰，個皮好硬，味道非常奇怪冇乜味，真係嚇死人，食一粒都嫌多，首先粒嘢已經唔係熱，吼落去仲要硬框框，咁我仲以為係脆口，係個皮厚啲啫，個皮厚到，又硬又咬唔開，入面仲要冇味，係真係「冇 味」，菜又冇多幾粒，章魚燒又冇味，真係同香口膠冇分別，我認真，自問已經唔算係好高要求，平日成日食百佳Fusion章魚燒嘅我，可以話百佳嘅章魚燒好過呢間好多多，起碼人地有多啲菜同有香味。不服來辯 or 不服即管去試伏

因為我本身好中意食章魚小丸子 所以呢間野佢一開我就已經試過 一開始係幾唔錯既 味道唔錯價錢都唔錯 今次久違地再買咗個黑松露小丸子食 一食d皮又厚又硬 好似食緊鍋巴咁 入面d料又少 除左一粒細到差d咬唔到既章魚粒之外就咩都無 個汁既味道都尚可 但係一份都唔係便整體黎講都係唔抵食 我另外加咗個冷烏冬 個冷烏冬又唔夠多醬 配菜又少 一入到唔使點等就攞到個下我就應該要諗到佢地一定係整定咗好多份係隔離 所以d皮又凍又硬 真係好失望 第一次嬲到要打食評 希望老板改進下啦

一番元祖章魚燒 (8粒)$36 ✨：6.5/10個外表幾靚嘅，沙律醬、照燒醬(？)、海苔、木魚片全部有齊，而且分量ok，每啖都好夠味，不過如果再多啲紫菜就好到手嘅時候都係熱辣辣沒👍現場有立食位。章魚燒本身就偏細粒。入面嘅章魚都唔大。😶質地方面，開頭幾粒食落都脆脆地，但係後尾幾粒，可能因為浸係汁太耐，就腍咗，個人鍾意脆啲(不過好矛盾，因為開頭太熱，好難食得舒服，當涼翻啲，佢就腍咗😶)整體普普通通，唔知其他口味會唔會好啲

我睇住佢開張既，頭半年食都仲係好正，有時係會等得耐左，不過即刻整又好食既，等下都無所謂。唔知咩事愈做愈差，態度唔好，見到好多人排隊，眼尾望下繼續整，完全無理人個皮超硬，以前食到脆卜卜，而家係整得太耐硬哂。食物凍既，基本上即食都唔熱！建議老闆自己買個試下，你就會明！係得沙田中心開既，都係做街坊生意，出面咁大競爭，keep住咁既態度同質素，好快比人淘汰！

今日買外賣，拎上手感覺到暖暖地完全唔熱，買嘅時候已經見到佢整定好多喺度一定唔係即刻整，買完10分鐘左右食，已經凍晒，個皮勁硬，完全唔值呢個價錢，未食過咁難食嘅章魚燒👺本身滿心期待，難得沙田開左章魚燒，真係好失望👺

叫左個黃金流沙章魚燒… 本身見都幾多人買以為都唔錯…點知🥲個章魚燒唔熱都算，個皮唔脆係硬嘅🥲🥲個黃金流沙醬好重手，但食唔到咸蛋黃味，加埋章魚燒個醬好咸😰好失望🥲🥲

見沙田中心開左間章魚燒專門店，好似都幾吸引咁，今日終於揾到機會試下舖頭入面有空間俾客人企喺度食野叫左total 6粒一番元祖章魚燒&一番蜜糖芥末章魚燒雙拼，$35因為我3點黎，冇其他客，1分鐘內就有得食好多醬，好多木耳碎一食落口，嘩！塊皮超級硬，都勉強咬得開既，但係扣晒分啦6粒塊皮都係咁硬，有粒仲要差d用牙簽都吉唔落餡都幾多既，醬都好好食不過如果我係為左食醬既話，我可以揀食其他野，而唔係食呢間章魚燒

叫左一番火蓉芝士章魚，上面鋪滿芝士，每啖都有芝士香味，仲有黑松露章魚燒，有黑松露香味，搭配沙律醬，但食落唔會膩口，兩款口味都配料充足，香味都非常吸引。裡面粉漿飽肚，但唔會蓋過芝士同黑松露既層次。非常適合做下午茶小食

呢間章魚燒店極度唔起眼，喺沙田廣場嘅一個角落，人流亦不多。用佢哋嘅QR code 落單有9折，味道選擇好多，可以揀雙併。今次試咗一番蜜糖芥末章魚燒，章魚燒表皮煎至香脆，裏面嘅餡料軟綿綿，每粒章魚燒入邊都食到章魚🐙，蜜糖芥末汁亦有驚喜，一入口食到蜜糖嘅甜甜地嘅味，後勁食到芥末嘅辣味，唔食得辣嘅朋友就唔太建議揀呢個，醬汁落得好夠，啱晒鍾意多醬汁嘅我，海苔嘅份量亦好多，一開始店員會放在章魚燒的旁邊。下次有機會會想試埋其他口味。