粗店燒烤 (已結業)

旺角呢間川式串燒店次次經過都坐滿人今晚早去好彩唔洗等位 食食下出面已經要排隊喇又真係幾好食喎 唔怪得人氣咁高藤椒魚皮超鍾意呢個 魚皮有厚度勁爽脆 藤椒夠辣夠惹味錫紙卜卜蜆隻隻都脹卜卜好鮮甜 完全冇沙 烤大扇貝呢度啲海鮮真係幾靚幾新鮮扇貝好厚肉 仲有粉絲索晒蒜蓉元貝汁 好好食烤原隻魷魚燒完仲係好柔軟 一啲都唔怕靭另外叫左好多款串燒 都係十幾廿蚊就有交易火候控制得好好 調味惹味得嚟又唔怕太咸都有另外提供辣粉同孜然粉俾重口味人士鐵板下面仲有火keep住溫度慢慢邊食邊吹水都唔怕擺到凍晒炸鰻頭炸得好脆 點埋煉奶勁好食唔夠飽再叫左份粗涼麵加左好多蒜蓉麻醬甘筍絲 食落惹味清爽